ಶಿರಸಿ: ವಿಠಲ ಶಾಸ್ತ್ರಿ ಪ್ರತಿಷ್ಠಾನ ಸಹಕಾರದಲ್ಲಿ ಹಮ್ಮಿಕೊಂಡ ಶ್ರೀಕೃಷ್ಣ ಸ್ಮರಣ ಪುರಸ್ಕಾರ ಸಮಾರಂಭ ಹಾಗೂ ತಾಳಮದ್ದಲೆಯನ್ನು ಫೆ.22 ರಂದು ಸಂಜೆ 4.30 ಕ್ಕೆ ನಗರದ ಟಿಎಂಎಸ್ ಸಭಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಶ್ರೀಕೃಷ್ಣ ಸ್ಮರಣ ಪುರಸ್ಕಾರವನ್ನು ಭಾಗವತ ಕೇಶವ ಹೆಗಡೆ ಕೊಳಗಿ, ಅರ್ಥದಾರಿ ಮೋಹನ ಭಾಸ್ಕರ ಹೆಗಡೆ ಅವರಿಗೆ ಪ್ರದಾನ ಮಾಡಲಾಗುತ್ತಿದ್ದು, ಅತಿಥಿಗಳಾಗಿ ವೈಶಾಲಿ ವಿ.ಪಿ.ಹೆಗಡೆ, ಅಧ್ಯಕ್ಷತೆಯನ್ನು ನೇತ್ರ ತಜ್ಞ ಡಾ. ಎಚ್‌. ಎಸ್.ಮೋಹನ ಪಾಲ್ಗೊಳ್ಳುವರು. ಬಳಿಕ ಶಲ್ಯ ಸಾರಥ್ಯ ತಾಳಮದ್ದಲೆ ನಡೆಯಲಿದ್ದು, ಕೌರವನಾಗಿ ಅಶೋಕ ಭಟ್ ಉಜಿರೆ, ಕರ್ಣನಾಗಿ ಮೋಹನ ಹೆಗಡೆ, ಶಲ್ಯನಾಗಿ ಉಮಾಕಾಂತ ಭಟ್ ಕೆರೇಕೈ ಭಾಗವಹಿಸುವರು. ಭಾಗವತರಾಗಿ ಕೊಳಗಿ, ಮದ್ದಲೆಯಲ್ಲಿ ಶಂಕರ ಭಾಗವತ ಸಹಕಾರ ನೀಡಲಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
