ಹೊನ್ನಾವರ: ತಾಲೂಕಿನ ಚಂದಾವರ ರಸ್ತೆಯಿಂದ ಚಂದಾವರ ನಾಕಾ ಕಡೆಗೆ ಅತಿವೇಗ, ನಿಷ್ಕಳಜಿಯಿಂದ ಮೋಟಾರ್ ಸೈಕಲ್ ಚಲಾಯಿಸಿಕೊಂಡು ರಸ್ತೆ ಕ್ರಾಸ್ ಮಾಡುತ್ತಿದ್ದ ಇನ್ನೊಂದು ಬೈಕ್’ಗೆ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರರೀರ್ವರು ಗಂಭೀರವಾಗಿ ಗಾಯಗೊಂಡು ಓರ್ವ ಸಾವನ್ನಪ್ಪಿದ ಘಟನೆ ನಡೆದಿದೆ.
ಹೊದಿಕೆ ಶಿರೂರು, ಜಡ್ಡಿಗದ್ದೆಯ ಜನಾರ್ದನ ಸತ್ಯಪ್ಪ ನಾಯ್ಕ, ನೂರಾನಿ ಕ್ರಾಸ ಹತ್ತಿರ ರಸ್ತೆ ಕ್ರಾಸ್ ಮಾಡುತ್ತಿದ್ದ ಕುಮಟಾ ಕೋನಳ್ಳಿಯ ಗುತ್ತಿಗೆದಾರ ಸಂತೋಷ ಜೂಜೆ ಪರ್ನಾಂಡಿಸ ಇವರ ಬೈಕ್ ಡಿಕ್ಕಿ ಹೊಡೆದಿದ್ದು ಓರ್ವನಿಗೆ ತೀವ್ರ ಗಾಯವಾಗಿದ್ದು, ಅವರ ಬೈಕ್ ಹಿಂಬದಿ ಸವಾರನಾಗಿದ್ದ ಚಂದಾವರ ಬಳಬೇಣದ ಸಿಮಾಂವ ರುಜಾರ್ ಗೊನ್ಸಾಲೀಸಗೂ ಗಂಭೀರ ಗಾಯವಾಗಿ ಮಣಿಪಾಲ ಕಸ್ತೂರ ಬಾ ಆಸ್ಪತ್ರೆಯಲ್ಲಿ ದಾಖಲಿಸಿದ್ದು, ಚಿಕಿತ್ಸೆ ಫಲಕಾರಿ ಆಗದೆ ಮೃತ ಪಟ್ಟಿದ್ದಾನೆಂದು ತಿಳಿದುಬಂದಿದೆ.
