ಶಿರಸಿ: ತಾಲೂಕಿನ ತಟ್ಟಿಸರ ಸಮೀಪದ ಓಣಿಕೆರೆ ಯುವ ಪ್ರಗತಿ ಪರ ರೈತ ಸುಬ್ರಹ್ಮಣ್ಯ ಹೆಗಡೆ ಗುಳೇಬೈಲ ಅವರನ್ನು ತಟ್ಟಿಸರ ಮೇಲಿನ ಓಣಿಕೇರಿ ಸೊಸೈಟಿಯಲ್ಲಿ ಆತ್ಮೀಯವಾಗಿ ಗೌರವಿಸಿ ಅಭಿನಂದಿಲಾಯಿತು.
ಕಳೆದ ಒಂದು ದಶಕಗಳಿಂದ ಜೇನು ಕೃಷಿ, ಅಡಿಕೆ, ಕಬ್ಬು, ಬಾಳೆ ಸಹಿತ ಇತರ ಬಹುವಿಧ ಬೇಸಾಯದಲ್ಲಿ ತೊಡಗಿಕೊಂಡ ಕಾರಣಕ್ಕೆ ಸಹಕಾರಿ ಸಪ್ತಾಹದ ಅಂಗವಾಗಿ ಸನ್ಮಾನಿಸಲಾಯಿತು. ಕೃಷಿ ಕ್ಷೇತ್ರಕ್ಕೆ ಯುವಕರನ್ನು ಪ್ರೋತ್ಸಾಹಿಸುವ ಕಾರಣದಿಂದ ಸೊಸೈಟಿ ಅಭಿನಂದಿಸಿತು.
ಈ ವೇಳೆ ಸೊಸೈಟಿ ಅಧ್ಯಕ್ಷ, ಸಹಕಾರಿ ರತ್ನ ಪ್ರಶಸ್ತಿ ಪುರಸ್ಕೃತ ಜಿ.ಟಿ.ಹೆಗಡೆ ತಟ್ಟಿಸರ, ಉಪಾಧ್ಯಕ್ಷ ಎಂ.ಎನ್.ಹೆಗಡೆ ಸಂಪೆಕಟ್ಟು, ಸಹಕಾರಿ ರತ್ನ ಆರ್.ಎನ್.ಹೆಗಡೆ ಗೊರ್ಸಗದ್ದೆ, ಅಳ್ಳಂಕಿ ಹಾಗೂ ಇತರ ನಿರ್ದೇಶಕರು ಇದ್ದರು.
