ಶಿರಸಿ : ಇಲ್ಲಿನ ನಿನಾದ ಸಂಗೀತ ಸಭಾದಿಂದ ಜು.21, ರವಿವಾರ ಬೆಳಗ್ಗೆ 10.30ರಿಂದ ಗುರು ಪೂರ್ಣಿಮಾ ಸಂಗೀತ ಕಾರ್ಯಕ್ರಮವನ್ನು ನಗರದ ಟಿಎಂಎಸ್ ಸಭಾಭವನದಲ್ಲಿ ಆಯೋಜಿಸಲಾಗಿದೆ. ಬೆಳಗ್ಗೆ ಸಂಸ್ಥೆಯ ವಿದ್ಯಾರ್ಥಿ ವಿದ್ಯಾರ್ಥಿನಿಯರ ಗಾಯನ ಕಾರ್ಯಕ್ರಮ ನಡೆಯಲಿದ್ದು, ಈ ಸಂದರ್ಭದಲ್ಲಿ ಭಾಸ್ಕರ್ ಹೆಗಡೆ ಮುತ್ತಿಗೆ, ವಿಜಯೇಂದ್ರ ಹೆಗಡೆ ಅಜ್ಜಿಬಳ, ಸಮೀರ ಬಾದ್ರಿ ಸಿದ್ದಾಪುರ ತಬಲಾದಲ್ಲಿ ಸಹಕರಿಸಲಿದ್ದಾರೆ.
ಅಂದು ಸಂಜೆ 4:30 ರಿಂದ ನಿನಾದ ಸಂಗೀತ ವಿದ್ಯಾಲಯದ ಗುರುವೃಂದದವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದ್ದು, 6ಕ್ಕೆ ಗುರು ಸನ್ಮಾನ ನಡೆಯಲಿದೆ. ಖ್ಯಾತ ಸಂಗೀತ ಕಲಾವಿದರಾದ ಉಡುಪಿಯ ಪಂ.ಎಂ.ಜಿ.ಭಾಗವತರವರಿಗೆ ಗೌರವ ಸನ್ಮಾನ ನಡೆಯಲಿದ್ದು ಈ ಸಂದರ್ಭದಲ್ಲಿ ಕವಿ ಹಾಗೂ ನಿವೃತ್ತ ಮುಖ್ಯದ್ಯಾಪಕ ರಾಜೀವ್ ಅಜ್ಜಿಬಳ ಪಾಲ್ಗೊಳ್ಳಲಿದ್ದಾರೆ. ನಂತರ ಸಂಗೀತದಲ್ಲಿ ಪಂ.ಎಂ. ಜಿ. ಭಾಗವತ್ ಗಾಯನ ನಡೆಸಿಕೊಡಲಿದ್ದು ಸಹಕಲಾವಿದರಾಗಿ ಗುರುಪ್ರಸಾದ್ ಹೆಗಡೆ ಗಿಳಿಗುಂಡಿ ಶಂತನೂ ಶುಕ್ಲಾ ಮುಂಬೈ ,ಅಕ್ಷಯ್ ಭಟ್ಟ ಅಂಸಳ್ಳಿ ಪಾಲ್ಗೊಳ್ಳಲಿದ್ದಾರೆ ಎಂದು ನಿನಾದ ಸಂಗೀತ ಸಭಾದ ವಿ.ಶ್ರೀಪಾದ ಹೆಗಡೆ ಸೋಮನಮನೆ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
