ಸಿದ್ದಾಪುರ: ಶ್ರೀ ಕೋಡಿಗದ್ದೆ ಮೂಕಾಂಬಿಕಾ ಯಕ್ಷಗಾನ ಕಲಾಸಂಘ (ರಿ) ದೊಡ್ಮನೆ ಮತ್ತು ಅತಿಥಿ ಕಲಾವಿದರ ಕೂಡುವಿಕೆಯಿಂದ ಸಿದ್ದಾಪುರ ತಾಲೂಕು ವಾಜಗೋಡು ಗಣೇಶ ಗಣಪತಿ ಹೆಗಡೆ ಇವರ ಮನೆಯಲ್ಲಿ ನಡೆಸಿದ ಸಹಸ್ರ ಚಂದ್ರ ದರ್ಶನ ಶಾಂತಿ ಹಾಗೂ ದೇವತಾ ಕಾರ್ಯಕ್ರಮದ ಅಂಗವಾಗಿ ಇತ್ತೀಚೆಗೆ ಪುತ್ರಕಾಮೇಷ್ಟಿ ಎಂಬ ಯಕ್ಷಗಾನ ತಾಳಮದ್ದಲೆಯನ್ನು ಪ್ರದರ್ಶಿಸಲಾಯಿತು.
ಹಿಮ್ಮೇಳನದಲ್ಲಿ ಸತೀಶ ಹೆಗಡೆ ದಂಟಕಲ್, ಮಂಜುನಾಥ ಹೆಗಡೆ ಹುಲಿಮನೆ, ಶ್ರೀಧರ ಹೆಗಡೆ ಹೊಸ್ತೋಟ, ರಘುಪತಿ ಹೆಗಡೆ ಕುಡೇಹದ್ದ ಇವರುಗಳು ಉತ್ತಮವಾಗಿ ಸಹಕರಿಸಿದರು. ಮುಮ್ಮೇಳನದಲ್ಲಿ ಚಂದ್ರಶೇಖರ ಭಟ್ಟ ಗಾಳಿಮನೆ, ರಾಧಾಕೃಷ್ಣ ಭಟ್ಟ ಸೂರನಕೇರಿ, ಅರುಣಕುಮಾರ ಬೆಂಕ್ಟಳ್ಳಿ, ಶ್ರೀಧರ ಭಟ್ಟ ಗಡಿಹಿತ್ಲು, ಆನಂದ ಶೀಗೆಹಳ್ಳಿ, ಟಿ.ಎ.ಹೆಗಡೆ ಬಾನಬ್ಬಿ, ಮಾಧವ ಶರ್ಮಾ ಕಲಗಾರ, ಶಂಕರ ನಾರಾಯಣ ಹೆಗಡೆ ದಾನಮಾಂವ, ಕೇಶವ ಹೆಗಡೆ ಕಿಬ್ಳೆ, ರಾಘವೇಂದ್ರ ಹೆಗಡೆ ವಾಜಗೋಡ ಇವರುಗಳು ಉತ್ತಮವಾಗಿ ಪ್ರದರ್ಶನ ನೀಡಿದರು. ಗಜಾನನ ಕೊಡಿಯಾ ಧ್ವನಿ ಮತ್ತು ಬೆಳಕಿನ ವ್ಯವಸ್ಥೆಯಲ್ಲಿ ಸಹಕರಿಸಿದರು. ರಾಘವೇಂದ್ರ ಹೆಗಡೆ ಸ್ವಾಗತಿಸಿದರು. ಕೇಶವ ಹೆಗಡೆ ಕಿಬ್ಳೆ ಅಭಿನಂದಿಸಿದರು.
