ಶಿರಸಿ: ತಬಲಾ ವಾದಕ ಅನಂತ ಹೆಗಡೆ ವಾಜಗಾರ ಇವರು ರಚಿಸಿ ಸ್ವರ ಸಂಯೋಜನೆಗೊಳಿಸಿದ ‘ಸ್ತುತಿ ಸಂಹಿತಾ’ ಭಕ್ತಿಗೀತೆ ಪುಸ್ತಕ ಹಾಗೂ ಧ್ವನಿ ಮುದ್ರಿಕೆಯ ಲೋಕಾರ್ಪಣೆ ಮತ್ತು ಸಂಗೀತ ಕಾರ್ಯಕ್ರಮ ಶ್ರೀಮನ್ನೆಲೆಮಾವು ಮಠದಲ್ಲಿ ಮೇ.10ರ ಸಂಜೆ 4ಕ್ಕೆ ನಡೆಯಲಿದೆ.
ಸಂಹಿತಾ ಮ್ಯೂಸಿಕ್ ಫೋರಮ್, ಸಂಸ್ಕೃತಿ ಸಂಪದ ನೆಲೆಮಾವು ಸಹಯೋಗ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಕಾರದಲ್ಲಿ ಕಾರ್ಯಕ್ರಮ ನಡೆಯಲಿದೆ. ಶ್ರೀಮನ್ನೆಲೆಮಾವು ಮಠದ ಶ್ರೀ ಮಾಧವಾನಂದ ಭಾರತೀ ಸ್ವಾಮೀಜಿ ಪುಸ್ತಕ ಹಾಗೂ ಧ್ವನಿಮುದ್ರಿಕೆಯನ್ನು ಲೋಕಾರ್ಪಣೆ ಮಾಡುವರು. ನಂತರ ಗಾಯಕಿ ಕಾವ್ಯಶ್ರೀ ಅನಂತ ಹೆಗಡೆ ವಾಜಗಾರ, ರಾಧಿಕಾ ಸುದರ್ಶನ ಹೆಗಡೆ ಕೋಡನಮನೆ ಗಾಯನ, ನಂತರ ಖ್ಯಾತ ಸಿತಾರ್ ವಾದಕ ಉಸ್ತಾದ ಶಫೀಕ್ ಖಾನ್ ಮತ್ತು ಕೊಳಲು ವಾದಕ ಸಮೀರ್ ರಾವ್ ಇವರಿಂದ ಸಿತಾರ್ ಹಾಗೂ ಕೊಳಲು ಜುಗಲ್ ಬಂದಿ ನಡೆಯಲಿದೆ. ಅನಂತ ಹೆಗಡೆ ವಾಜಗಾರ ತಬಲಾ ಸಾಥ್ ನೀಡುವರು ಎಂದು ಪ್ರಕಟಣೆ ತಿಳಿಸಿದೆ.
