ಹೊನ್ನಾವರ : ಅಯೋಧ್ಯೆಯ ರಾಮ ಮಂದಿರದ ಲೋಕಾರ್ಪಣೆ ಅಂಗವಾಗಿ ತಾಲ್ಲೂಕಿನ ಶ್ರೀ ಕ್ಷೇತ್ರ ಅಳ್ಳಂಕಿಯ ಶ್ರೀ ವರಸಿದ್ಧಿ ಗಣಪತಿ ದೇವಸ್ಥಾನದಲ್ಲಿ ಯುವ ಸಾಂಸ್ಕೃತಿಕ ವೇದಿಕೆಯ ಆಶ್ರಯದಲ್ಲಿ ಸ್ಥಳೀಯ ಯುವಕರು ಸ್ವಚ್ಛತಾ ಕಾರ್ಯವು ಸೇರಿದಂತೆ ನೂರಾರು ಭಕ್ತರು ಸೇರಿ ಶ್ರೀ ರಾಮ ಭಜನೆ ಹಾಡಿ, ವಿಶೇಷ ಪೂಜೆ ಸಲ್ಲಿಸಿ,ಸಿಹಿ ಮತ್ತು ಹಾಲು ವಿತರಿಸಿ ಸಂಭ್ರಮಿಸಿದರು. ದೇವಸ್ಥಾನ ಸಮಿತಿಯವರು ರಾತ್ರಿಯಿಂದಲೇ ದೇವಸ್ಥಾನಕ್ಕೆ ದೀಪಾಲಂಕಾರ ಮಾಡಿದ್ದು, ಊರಿನ ತುಂಬಾ ಎಲ್ಲರ ಮನೆಮುಂದೆ ರಂಗೋಲಿಯಿಂದ ಕಂಗೊಳಿಸಿದ್ದು ವಿಶೇಷವಾಗಿತ್ತು. ಸಂಜೆ ದೇವಸ್ಥಾನದಲ್ಲಿ ದೀಪಾರಾಧನೆ ನಡೆಯಿತು. ಇಂದಿನ ವಿಶೇಷ ಪೂಜೆಯಲ್ಲಿ ಹೋರಾಟಗಾರ ಚಂದ್ರಕಾಂತ ಕೊಚರೇಕರ, ದೇವಸ್ಥಾನ ಸಮಿತಿಯ ಶ್ರೀಕಾಂತ ಅಂಕೊಲೇಕರ, ಮನೋಹರ ಅಂಕೊಲೇಕರ, ಸಾಂಸ್ಕೃತಿಕ ಯುವ ವೇದಿಕೆಯ ಸುದೀಪ್ ಬಾಂದೇಕರ, ಅಭಿ ಕೊಚರೇಕರ, ವಿನಾಯಕ ಪೆಡ್ನೆಕರ, ಅನಿಲ್, ಮುಂತಾದವರು ಉಪಸ್ಥಿತರಿದ್ದರು
