ಗೋಕರ್ಣ: ಚಂದ್ರಗ್ರಹಣದ ನಿಮಿತ್ತ ಶ್ರೀಮಹಾಬಲೇಶ್ವರ ದೇವಸ್ಥಾನದಲ್ಲಿ ಅ.28ರಂದು ಸಂಜೆ ದೇವರ ದರ್ಶನದ ಸಮಯ ಬದಲಾವಣೆ ಮಾಡಿದ್ದಾರೆ. ಸಂಜೆ 4 ಗಂಟೆಯಿಂದ 5.30ರವರೆಗೆ ಮಾತ್ರ ದೇವರ ದರ್ಶನಕ್ಕೆ ಅವಕಾಶವಿದೆ.
ರಾತ್ರಿ 1 ಗಂಟೆಯಿಂದ 2.30ರವರೆಗೆ, ಅಂದರೆ ಚಂದ್ರಗ್ರಹಣದ ಆರಂಭದಿಂದ ಮುಕ್ತಾಯದವರೆಗೆ ಸ್ಪರ್ಶ ದರ್ಶನಕ್ಕೆ ಭಕ್ತರಿಗೆ ಅವಕಾಶವಿದೆ. ದೇವಾಲಯದ ಅಮೃತಾನ್ನ ಪ್ರಸಾದ ಭೋಜನಾಲಯದಲ್ಲಿ ಭಕ್ತರಿಗೆ ಸಂಜೆ ಪ್ರಸಾದ ಭೋಜನ ಇರುವುದಿಲ್ಲ. ಭಕ್ತರು ಈ ಬದಲಾವಣೆಯನ್ನು ಪರಿಗಣಿಸಿ ಸಹಕರಿಸುವಂತೆ ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ.
