ಶಿರಸಿ: ಕವಯಿತ್ರಿ ಯಶಸ್ವಿನಿ ಶ್ರೀಧರ ಮೂರ್ತಿಯವರ “ಬೊಗಸೆಯೊಳಗಿನ ದೀಪಸಾಲು” ಕೃತಿ ಬಿಡುಗಡೆ ಕಾರ್ಯಕ್ರಮವು ಅ.29ರಂದು ತಾಲೂಕಿನ ಮೆಣಸಿಕೇರಿಯ ಶ್ರೀ ಮಹಾಗಣಪತಿ ದೇವಸ್ಥಾನದಲ್ಲಿ ನಡೆಯಲಿದೆ.
ಹಿರಿಯ ಕವಿ ರಾಜೀವ ಅಜ್ಜಿಬಳ ಕಾರ್ಯಕ್ರಮ ಉದ್ಘಾಟಿಸಲಿದ್ದು , ಖ್ಯಾತ ಕಥೆಗಾರ್ತಿ ಭಾಗೀರಥಿ ಹೆಗಡೆ ಕೃತಿ ಲೋಕಾರ್ಪಣೆ ಮಾಡಲಿದ್ದಾರೆ. ಹಿರಿಯ ಕಥೆಗಾರ ಡಿ. ಎಸ್. ನಾಯ್ಕ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಲಿದ್ದು, ಸಾಹಿತ್ಯ ಸಂಚಲನದ ಸಂಚಾಲಕ ಕೃಷ್ಣ ದತ್ತಾತ್ರೇಯ ಪದಕಿ ಕೃತಿಕಾರರನ್ನು ಪರಿಚಯಿಸಲಿದ್ದಾರೆ.
ಕವಯತ್ರಿ ರೋಹಿಣಿ ಹೆಗಡೆ ಕೃತಿ ಪರಿಚಯಿಸಲಿದ್ದಾರೆ. ನಿವೃತ್ತ ಉಪನ್ಯಾಸಕ ಗಣಪತಿ ಭಟ್ಟ ವರ್ಗಾಸರ ಹಾಗೂ ಹೀಪನಳ್ಳಿಯ ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಗೋಪಾಲ ರಾಮಚಂದ್ರ ಹೆಗಡೆ ಹಾಗೂ ವಿದ್ವಾನ್ ಗಣಪತಿ ಭಟ್ಟ ಕಿಬ್ಬಳ್ಳಿ ಮುಖ್ಯ ಅತಿಥಿಗಳಾಗಿ ಆಗಮಿಸುವರು ಎಂದು ಪ್ರಕಟಣೆ ತಿಳಿಸಿದೆ.
