ಶಿರಸಿ: ತಾಲೂಕಿನ ಗೋಳಿ ಶ್ರೀ ಸಿದ್ಧಿವಿನಾಯಕ ಪ್ರೌಢಶಾಲೆಯಲ್ಲಿ ಆ.10, ಬುಧವಾರ ಬೆಳಿಗ್ಗೆ 10.45 ಗಂಟೆಗೆ ಮಕ್ಕಳ ವ್ಯಕ್ತಿತ್ವ ವಿಕಾಸವೇ ಪ್ರಧಾನವಾಗಿರುವ ಶಿರಸಿ ರೋಟರಿ ಪ್ರಣೀತ ಶ್ರೀ ಸಿದ್ಧಿವಿನಾಯಕ ಇಂಟರ್ಯಾಕ್ಟ್ ಕ್ಲಬ್ ನೂತನವಾಗಿ ಆರಂಭವಾಗಲಿದೆ. ಶಿರಸಿ ರೋಟರಿ ಅಧ್ಯಕ್ಷ, ಯುನಿಕ್ ಪೇಂಟ್ಸ್ ಮಾಲಕ ಗಣೇಶ ಹೆಗಡೆ ಉದ್ಘಾಟಿಸಲಿರುವರು.ಪದಗ್ರಹಣಾಧಿಕಾರಿಯಾಗಿ ಶಿರಸಿ ರೋಟರಿಯ ಹಿರಿಯ ಸದಸ್ಯ, ಸಾರ್ವಜನಿಕ ಸಂಪರ್ಕಾಧಿಕಾರಿ ಹಾಗೂ ವಿಶೇಷ ಸಲಹೆಗಾರ ರವಿ ಹೆಗಡೆ ಪಾಲ್ಗೊಳ್ಳಲಿದ್ದು ಶ್ರೀ ಸಿದ್ಧಿವಿನಾಯಕ ವಿದ್ಯಾಪ್ರಸಾರ ಸಮಿತಿಯ ಅಧ್ಯಕ್ಷ ಎಂ.ಎಲ್. ಹೆಗಡೆ ಹಲಸಿಗೆ ಅಧ್ಯಕ್ಷತೆ ವಹಿಸುವರೆಂದು ಸಂಘಟಕರ ಪರವಾಗಿ ಮುಖ್ಯಾಧ್ಯಾಪಕ ನಾರಾಯಣ ದೈಮನೆ ಪ್ರಕಟಣೆಯ ಮೂಲಕ ತಿಳಿಸಿದ್ದಾರೆ.
