ಶಿರಸಿ; ನಗರದ ಪೊಲೀಸರ ಕಾರ್ಯಾಚರಣೆಯ ಫಲವಾಗಿ ಒಂದು ಕೆಜಿಗೂ ಅಧಿಕ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ. ಸುಮಾರು 60 ರಿಂದ 70 ಸಾವಿರ ಮೌಲ್ಯದ ಗಾಂಜಾ ವಶಪಡಿಸಿಕೊಳ್ಳಲಾಗಿದ್ದು,ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದೆ. ಗಣೇಶ ನಗರದ ನಿಖಿಲ್ ಗೌಡ ಹಾಗೂ ನವೀನ ಚೌಹಾಣ್ ಬಂಧಿತ ಆರೋಪಿಗಳಾಗಿದ್ದು, ಈ ಇಬ್ಬರು ಹಿಂದೆ ಹಲವು ಕಳ್ಳತನ, ಗಾಂಜಾ ಪ್ರಕರಣಗಳಲ್ಲಿ ಭಾಗಿಯಾಗಿದ್ದು,ನವೀನ ಚೌಹಾಣ್ ಎಂಬಾತ ಕಾನಸೂರಿನ ಕಾಳಿಕಾಂಬಾ ಸ್ಟುಡಿಯೋ ಕಳ್ಳತನದಲ್ಲಿ ಶಿಕ್ಷೆಗೆ ಗುರಿಯಾಗಿದ್ದ ಆರೋಪಿ ಎನ್ನಲಾಗಿದೆ. ಡಿಎಸ್ಪಿ ರವಿ ನಾಯಕ್,ಸಿಪಿಐ ರಾಮಚಂದ್ರ ನಾಯಕರ ಮಾರ್ಗದರ್ಶನದಲ್ಲಿ,ನಗರ ಠಾಣೆ ಪಿಎಸೈ ರಾಜಕುಮಾರ್ ಉಕ್ಕಳಿ ನೇತೃತ್ವದಲ್ಲಿ ಕಾರ್ಯಚರಣೆ ನಡೆಸಲಾಗಿದ್ದು ಪ್ರಕರಣ ದಾಖಲಾಗಿದೆ.
