ಜೋಯಿಡಾ : ತಾಲೂಕಿನ ನಂದಿಗದ್ದಾ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಯರಮುಖ ಗಜಾನನೋತ್ಸವ ಸಮಿತಿಯ 39 ನೇ ವರ್ಷದ ಗಣೇಶೋತ್ಸವದ ಸಂದರ್ಭದಲ್ಲಿ ಕಳೆದ 38 ವರ್ಷಗಳಿಂದ ಪ್ರಾಮಾಣಿಕವಾಗಿ ಶ್ರದ್ಧಾ ಭಕ್ತಿಯಿಂದ ಸೇವೆ ಸಲ್ಲಿಸಿದ ಶಂಕರ ಗೋಪಾಲಕೃಷ್ಣ ಆಳ್ಕೆ ದಂಪತಿಗಳಿಗೆ ಮತ್ತು ವೈದಿಕರಾದ ಗಣೇಶ ಈಶ್ವರ ಭಟ್ಟ ಇವರಿಗೆ ಗೌರವಪೂರ್ವಕ ಸನ್ಮಾನ ಮಾಡಲಾಯಿತು.
ಈ ಸಂದರ್ಭದಲ್ಲಿ ಮಾತನಾಡಿದ ಗಜಾನೋತ್ಸವ ಸಮಿತಿ ಅಧ್ಯಕ್ಷ ಹರೀಶ್ ಶ್ರೀನಿವಾಸ ಭಟ್ ಅವರು ಕಳೆದ 38 ವರ್ಷಗಳಿಂದ ನಮ್ಮ ಗಜಾನನೋತ್ಸವ ಸಮಿತಿ ಉತ್ಸವದ ಪೂಜಾ ಕಾರ್ಯಕ್ರಮವನ್ನು ಅತ್ಯಂತ ಶ್ರದ್ದಾಭಕ್ತಿಯಿಂದ ನೆರವೇರಿಸಿಕೊಂಡು ಬಂದ ಹಿರಿಯರನ್ನು ಸನ್ಮಾನಿಸಿ ಗೌರವಿಸುವುದು ನಮ್ಮ ಕರ್ತವ್ಯ ಮತ್ತು ಪುಣ್ಯದ ಕಾರ್ಯವಾಗಿದೆ ಎಂದರು. ಗಣೇಶೋತ್ಸವ ಕಾರ್ಯಕ್ರಮದ ಯಶಸ್ಸಿಗೆ ಪ್ರತ್ಯಕ್ಷ ಪರೋಕ್ಷ ಸಹಕರಿಸಿದ ಸರ್ವರಿಗೂ ಕೃತಜ್ಞತೆಗಳನ್ನು ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಸಮಿತಿಯ ಕಾರ್ಯದರ್ಶಿ ಶ್ರೀನಾಥ್ ದೇಸಾಯಿ, ಪ್ರಮುಖರಾದ ಸುಬ್ರಾಯ ದಬ್ಗಾರ, ಗಣಪತಿ ದಬ್ಗಾರ, ವಿ.ಎನ್.ದೇಸಾಯಿ , ಶ್ರೀನಿವಾಸ್ ಭಟ್ಟ, ತಿಮ್ಮಪ್ಪ ದೇಸಾಯಿ, ವಿ.ಟಿ.ಭಟ್, ವಿಭಾಕರ ದೇಸಾಯಿ ಮೊದಲಾದವರು ಉಪಸ್ಥಿತರಿದ್ದರು.
