ಅಂಕೋಲಾ: “2024 ಮತ್ತೊಮ್ಮೆ ಮೋದಿ” ಗೋಡೆ ಬರಹ ಅಭಿಯಾನ ಸೋಮವಾರ ತಾಲೂಕಿನ ರಾಮನಗುಳಿಯಲ್ಲಿ ನಡೆಯಿತು. ಡೊಂಗ್ರಿ ಮತ್ತು ವೈದ್ಯಹೆಗ್ಗಾರ ಭೂತ್‌ಗಳಲ್ಲಿ ಗೋಡೆ ಬರಹ ಅಭಿಯಾನ ಜಿಲ್ಲಾ ಸಂಚಾಲಕರಾದ ರಾಜೇಂದ್ರ ನಾಯ್ಕ “2024 ಮತ್ತೊಮ್ಮೆ ಮೋದಿ” ಗೋಡೆ ಬರಹ ಅಭಿಯಾನಕ್ಕೆ ಚಾಲನೆ ನೀಡಿದರು.
ಗೋಡೆ ಬರಹ ಅಭಿಯಾನ ಕಾರ್ಯಕ್ರಮದಲ್ಲಿ ಬಿಜೆಪಿ ಪ್ರಮುಖರಾದ ಗೋಪಾಲಕೃಷ್ಣ ವೈದ್ಯ, ಶಕ್ತಿಕೇಂದ್ರ ಪ್ರಮುಖರಾದ ನಾರಾಯಣ ಹೆಗಡೆ, ಶಶಾಂಕ ಹೆಗಡೆ ಹಳವಳ್ಳಿ, ವಿನೋದ ಭಟ್ಟ, ಆನಂದ ವಿಠ್ಠಲ ನಾಯ್ಕ ಹಳವಳ್ಳಿ, ರಾಘವೇಂದ್ರ ಹೆಗಡೆ ಕಲೇಶ್ವರ, ರಾಮನಾಥ ನಾಯ್ಕ ಹಾಗೂ ಪಕ್ಷದ ಪ್ರಮುಖರು ಕಾರ್ಯಕರ್ತರು ಭಾಗವಹಿಸಿದ್ದರು.
