ಅಂಕೋಲಾ: ತಾಲೂಕಿನ ಕೆಳಗಿನ ಮಂಜಗುಣಿಯಲ್ಲಿ ಓರ್ವರ ಮನೆಗೆ ಪುನುಗು ಬೆಕ್ಕುಗಳು ನುಗ್ಗಿ ತಕ್ಷಣ ಅರಣ್ಯ ಇಲಾಖೆ ಸಿಬ್ಬಂದಿಗಳು ಅವುಗಳನ್ನು ಹಿಡಿದು ಕಾಡಿಗೆ ಬಿಟ್ಟು ಬಂದ ಘಟನೆ ನಡೆದಿದೆ. ಪುನುಗು ಬೆಕ್ಕುಗಳು ಮಂಜಗುಣಿಯ ಸಂಜಯ ನಾಯ್ಕ್ ಎನ್ನುವವರ ಮನೆಗೆ ಒಳ ನುಗ್ಗಿದ ತಕ್ಷಣ ಮನೆಯವರು ಗಾಬರಿಗೊಂಡು ವಲಯ ಅರಣ್ಯಾಧಿಕಾರಿ ಜಿ.ವಿ ನಾಯಕರವರಿಗೆ ಫೋನ್ ಮಾಡಿದ ತಕ್ಷಣ ಅರಣ್ಯ ಇಲಾಖೆಯ ಸಿಬ್ಬಂದಿಗಳನ್ನು ಕಳುಹಿಸಿ ಈ 3 ಬೆಕ್ಕುಗಳನ್ನು ಹಿಡಿದು ಕಾಡಿಗೆ ಬಿಟ್ಟು ಬಂದಿದ್ದಾರೆ. ಅರಣ್ಯ ಇಲಾಖೆಯ ಈ ಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ
