ಗೋಕರ್ಣ: ಸತತ ಎರಡು ಬಾರಿ ಸೋಲನ್ನು ಅನುಭವಿಸಿ 3ನೇ ಬಾರಿ ಮತ್ತೆ ಕಣಕ್ಕಿಳಿದ ಸೂರಜ ನಾಯ್ಕ ಸೋನಿ ಅವರ ಪರವಾಗಿ ಅನುಕಂಪದ ಅಲೆಯೂ ಸಾಕಷ್ಟು ಕೆಲಸ ಮಾಡಿದೆ. ಎರಡು ಬಾರಿ ಸೋತಿದ್ದರೂ ಕೂಡ ಕ್ಷೇತ್ರದ ಜನತೆಯೊಂದಿಗೆ ಅತೀ ಹತ್ತಿರದಿಂದ ಬೆರೆಯುತ್ತಿರುವುದರಿಂದ ಸಹಜವಾಗಿಯೇ ಸೂರಜ ನಾಯ್ಕ ಗೆಲ್ಲಬೇಕು ಎನ್ನುವುದು ಕ್ಷೇತ್ರದ ಹಲವರ ಅಭಿಪ್ರಾಯವಾಗಿದೆ.
ಗ್ರಾಮೀಣ ಭಾಗಗಳಲ್ಲಿ ಹೆಚ್ಚಾಗಿ ಕಂಡುಬರುವ ದೇವರುಗಳಲ್ಲಿ ಹುಲಿದೇವರು ಕೂಡ ಒಂದು. ಹೀಗಾಗಿ ಈ ಬಾರಿ ಸೂರಜ ನಾಯ್ಕ ಸೋನಿ ಜೆ.ಡಿ.ಎಸ್.ನಿಂದ ಎಂ.ಎಲ್.ಎ. ಆಗಬೇಕು ಎಂದು ಹುಲಿದೇವರಿಗೆ ಅವರ ಅಭಿಮಾನಿಗಳು ಪೂಜೆ ಸಲ್ಲಿಸಿ ವೀಳ್ಯದ ಜೊತೆಗೆ ಒಂದು ಚೀಟಿಯನ್ನು ಕೂಡ ಇಟ್ಟಿರುವುದು ಗಮನ ಸೆಳೆಯುವಂತಾಗಿದೆ.
