ಶಿರಸಿ: 2022ನೇ ಸಾಲಿನ ಎಂಸಿಎ, ಪರೀಕ್ಷೆಯಲ್ಲಿ ಶಿರಸಿಯ ಅಕ್ಷತಾ ಭಟ್ ಕೆ.ಎಲ್, ಇ, ತಾಂತ್ರಿಕ ವಿಶ್ವವಿದ್ಯಾಲಯಕ್ಕೆ ಪ್ರಥಮ ಸ್ಥಾನ ಪಡೆದು ಬಂಗಾರದ ಪದಕವನ್ನು ತನ್ನದಾಗಿಸಿಕೊಂಡಿದ್ದಾಳೆ.
ಇತ್ತೀಚೆಗೆ ಹುಬ್ಬಳ್ಳಿಯ ಕೆ.ಎಲ್, ಇ, ತಾಂತ್ರಿಕ ವಿಶ್ವವಿದ್ಯಾಲಯದಲ್ಲಿ (ಬಿ.ವಿ.ಬಿ ಇಂಜೀನಿಯರಿಂಗ್ ಕಾಲೇಜ್) ನಡೆದ ಘಟಿಕೋತ್ಸವದಲ್ಲಿ ಈಕೆಗೆ ಬಂಗಾರದ ಪದಕ ನೀಡಿ ಗೌರವಿಸಲಾಯಿತು. ಈಕೆ ಬಸವೇಶ್ವರ ಕಾಲೋನಿಯ ವಿನೋದ ಆರ್.ಭಟ್ ( ಶುಂಠಿ) ಮತ್ತು ವಿಜಯಲಕ್ಷ್ಮಿ ಭಟ್ ದಂಪತಿಗಳ ಪುತ್ರಿಯಾಗಿದ್ದಾಳೆ.
