ಸಿದ್ದಾಪುರ: ತಾಲೂಕಿನಲ್ಲಿ ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ದೊಡ್ಮನೆ ಗ್ರಾಪಂ ವ್ಯಾಪ್ತಿಯ ಕೆರೆಕುಳಿಯ ಮಂಜುನಾಥ ನಾರಾಯಣ ಗೌಡ ಇವರ ವಾಸದ ಕಚ್ಚಾಮನೆ ಭಾನುವಾರ ಕುಸಿದು ಬಿದ್ದಿದ್ದಲ್ಲದೇ ನೂತನವಾಗಿ ನಿರ್ಮಾಣವಾಗುತ್ತಿರುವ ಗೋಡೆಯೂ ಕುಸಿದು ಬಿದ್ದಿದೆ.
ಗ್ರಾಪಂನಿಂದ ಇವರಿಗೆ ಮನೆಯೊಂದು ಮಂಜೂರಾಗಿದ್ದು ಅದು ನಿರ್ಮಾಣ ಹಂತದಲ್ಲಿರುವುದರಿಂದ ಅವರಿಗೆ ವಾಸ್ತವ್ಯ ಮಾಡಲಿಕ್ಕೆ ಮನೆ ಇಲ್ಲದಂತಾಗಿದೆ. ಇವರಿಗೆ ವಾಸ್ತವ್ಯ ಮಾಡಲು ಸಂಬಂಧಿಕರ ಮನೆಗೆ ತೆರಳಲು ಸೂಚಿಸಲಾಗಿದೆ ಎಂದು ಕಂದಾಯ ಇಲಾಖೆ ಅಧಕಾರಿಗಳು ತಿಳಿಸಿದ್ದಾರೆ.
