ಸಿದ್ದಾಪುರ: 2024 ನೇ ಸಾಲಿನ ಬಿ.ಎಚ್. ಶ್ರೀಧರ ಶಿಕ್ಷಣ ಪ್ರಶಸ್ತಿಗೆ, ಸಿದ್ದಾಪುರದ ಎಂ.ಜಿ.ಸಿ. ಕಾಲೇಜಿನ ಬಿ.ಎ. ಅಂತಿಮ ವಿಭಾಗದಲ್ಲಿ ಅತಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿನಿ ಝುಬೇದಾ ಆಯ್ಕೆಯಾಗಿದ್ದಾಳೆ. ಈಕೆ ಅಬ್ಬು ಸಾಬ, ಫಾತಿಮಾ ದಮತಿಗಳ ಪುತ್ರಿ. ಸದ್ಯ ಝುಬೇದಾ ಧಾರವಾಡದಲ್ಲಿ ಕೆ.ಪಿ.ಎಸ್.ಸಿ. ಪರೀಕ್ಷೆಗಾಗಿ ತರಬೇತಿ ಪಡೆಯುತ್ತಿದ್ದಾಳೆ. ಪ್ರಶಸ್ತಿ ಪತ್ರ ಹಾಗೂ ರೂ. 2000/- ನಗದನ್ನು ವಿದ್ವಾಂಸ, ಸಾಹಿತಿ, ಪ್ರಾಚಾರ್ಯ ಬಿ.ಎಚ್. ಶ್ರೀಧರರ ಜನ್ಮ ದಿನ ಏಪ್ರಿಲ್ 24 ರಂದು ಶಿರಸಿಯಲ್ಲಿ ನಡೆಯಲಿರುವ ಬಿ.ಎಚ್. ಶ್ರೀಧರ ಸಾಹಿತ್ಯ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಂದು ನೀಡಲಾಗುವುದೆಂದು ಸಮಿತಿಯ ಕಾರ್ಯಾಧ್ಯಕ್ಷ ರಾಜಶೇಖರ ಹೆಬ್ಬಾರ ತಿಳಿಸಿದ್ದಾರೆ.
