ಯಲ್ಲಾಪುರ: ಅಪರಿಚಿತ ವಾಹನ ಡಿಕ್ಕಿ ಹೊಡೆದು ಬೈಕ್ ಸವಾರ ಸ್ಥಳದಲ್ಲೇ ಮೃತಪಟ್ಟ ಘಟನೆ ರಾಷ್ಟ್ರೀಯ ಹೆದ್ದಾರಿ 63 ರ ಮೇಲೆ ತಾಲೂಕಿನ ಅರಬೈಲ್ ಘಟ್ಟದ ಗಣಪತಿ ಕಟ್ಟೆ ಕ್ರಾಸ್ ಬಳಿ ಗುರುವಾರ ನಡೆದಿದೆ.
ಮುಂಡಗೋಡ ತಾಲೂಕಿನ ಬಾಚಣಕಿಯ ಪರಶುರಾಮ ಕಲ್ಲಪ್ಪ ಬಾರಕಿ (30) ಮೃತ ವ್ಯಕ್ತಿ. ಕಾರವಾರದ ಚೆಂಡಿಯಾ ಘಟಕದಲ್ಲಿ ಗೃಹರಕ್ಷಕರಾಗಿದ್ದ ಇವರು, ಕಾರವಾರದಿಂದ ಮುಂಡಗೋಡಿಗೆ ಬೈಕ್ ಮೇಲೆ ಹೋಗುವ ವೇಳೆ
ಅರಬೈಲ್ ಘಟ್ಟದ ಗಣಪತಿ ಕಟ್ಟೆ ಕ್ರಾಸ್ ಬಳಿ ಅಪರಿಚಿತ ವಾಹನ ಡಿಕ್ಕಿ ಹೊಡೆದು ಪರಾರಿಯಾಗಿದ್ದು, ಸವಾರ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಘಟನೆಯಲ್ಲಿ ಬೈಕ್ ಜಖಂಗೊಂಡಿದೆ. ಸ್ಥಳಕ್ಕೆ ಭೇಟಿ ನೀಡಿ, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಅಪಘಾತಪಡಿಸಿದ ವಾಹನ ಪತ್ತೆಗೆ ಜಾಲ ಬೀಸಿದ್ದಾರೆ.
