ಶಿರಸಿ: ತಾಲೂಕಿ ಯಲ್ಲಾಪುರ ರಸ್ತೆಯ ಗುಂಡಿಗದ್ದೆ ಸಮೀಪದಲ್ಲಿ ಪುಟ್ಟ ಹಸುವಿನ ಕರುವಿಗೆ ಬೈಕ್ ಸವಾರನೊಬ್ಬ ಗುದ್ದಿಸಿ ಪರಾರಿಯಾಗಿದ್ದಾನೆ. ಬೈಕ್ ಗುದ್ದಿದ ಪರಿಣಾಮ ಕರುವಿನ ಹಿಂದಿನ ಎರಡು ಕಾಲು ಮುರಿದುಹೋಗಿದ್ದು, ಮೈ ಮೇಲೆ ಗಾಯಗಳಾಗಿದ್ದು ಎದ್ದೇಳದ ಪರಿಸ್ಥಿತಿಯಲ್ಲಿತ್ತು. ತಕ್ಷಣ ಪ್ರತಿಕ್ರಿಯಿಸಿದ ಶಿರಸಿ ಗೋರಕ್ಷಕರ ತಂಡ ಪ್ರಥಮ ಚಿಕಿತ್ಸೆ ಮಾಡಿದ್ದಾರೆ. ಗೋರಕ್ಷಕರ ಈ ಮಾನವೀಯ ಕಾರ್ಯಕ್ಕೆ ಸಾರ್ವಜನಿಕರಿಂದ ಅಪಾರ ಶ್ಲಾಘನೆ ವ್ಯಕ್ತವಾಗಿದೆ.
