ಶಿರಸಿ:ನಗರದ ಐಎಂಎ ಸಭಾಂಗಣದಲ್ಲಿ ಇತ್ತೀಚೆಗೆ ಕರ್ನಾಟಕ ರಾಜ್ಯ ಔಷಧ ಮತ್ತು ಮಾರಾಟ ಪ್ರತಿನಿಧಿಗಳ ಸಂಘ(ರಿ)ಶಿರಸಿ ಇವರ ವಾರ್ಷಿಕ ಸ್ನೇಹ ಸಮ್ಮೇಳನ-2022 ಜರುಗಿತು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಘದ ಅಧ್ಯಕ್ಷ ಪ್ರವೀಣ್ ಪುಲಕರ್ ವಹಿಸಿದ್ದರು. ಅತಿಥಿಗಳಾಗಿ ಪ್ರಶಾಂತ್ ನಾಯ್ಕ್, ಸದಾನಂದ ನಾಯ್ಕ್, ಸಂತೋಷ್ ನಾಯ್ಕ್ ಆಗಮಿಸಿದ್ದರು.ಸಂಘದ ಕಾರ್ಯದರ್ಶಿಯಾದ ರಮೇಶ್ ನಾಯ್ಕ್ ಮಾತನಾಡಿ ಈ ಸಂಘದಲ್ಲಿ ರಾಜ್ಯದಲ್ಲಿ ಸುಮಾರು 5000ಕ್ಕೂ ಹೆಚ್ಚು ನೋಂದಾಯಿತ ಸದಸ್ಯರು ಇದ್ದು,ಇದು 50 ವರ್ಷಕ್ಕೂ ಹಳೆಯಯದಾದ ಸಂಘಟನೆಯಾಗಿದೆ. ಪಕ್ಷಾತೀತವಾಗಿ ಸದಸ್ಯರ ಹಕ್ಕು ಮತ್ತು ಕೆಲಸದ ಭದ್ರತೆಗಾಗಿ ಹೋರಾಡುತ್ತಾ ಬಂದಿರುವ ಸಂಘಟನೆಯಾಗಿದೆ ಎಂದರು.
ಇದೆ ಸಂಧರ್ಭದಲ್ಲಿ ಸಂಘದ ವತಿಯಿಂದ ಹಿರಿಯ ಪ್ರತಿನಿಧಿಗಳಾದ ಗಣಪತಿ ಭಾಗವತ್ ( ಮೈಕ್ರೋ ಏರೋಸ್ ಫಾರ್ಮ), ಮಧುಕರ್ ಹಳ್ಕಾರ್(ಸಿ ಚೆಮ್ ಫಾರ್ಮ), ಸತೀಶ್ ಶಹಾನೆ (ಗಿಲ್ಮನ್ ಫಾರ್ಮ), ರಾಮಚಂದ್ರ ಹೆಗಡೆ ( ಮೇಡ್ ಮಿನಾರ್ ಫಾರ್ಮ) ಇವರುಗಳನ್ನು ಸನ್ಮಾನಿಸಲಾಯಿತು.ಸನ್ಮಾನ ಸ್ವೀಕರಿಸಿ ತಮ್ಮ ಅನುಭವಗಳನ್ನು ವ್ಯಕ್ತಪಡಿಸಿದರು. ಈ ಕಾರ್ಯಕ್ರಮದಲ್ಲಿ 100ಕ್ಕೂ ಹೆಚ್ಚು ಸದಸ್ಯರು ಹಾಜರಿದ್ದರು.
ಕಾರ್ಯಕ್ರಮದ ನಿರೂಪಣೆಯನ್ನು ಸಂತೋಷ್ ನವಿಲಗೊಣ ಹಾಗೂ ನಿತಿನ್ ಪಲೆಕರ್ ರವರು ನಡೆಸಿ ಕೊಟ್ಟರು. ಕಾರ್ಯಕ್ರಮದ ನಂತರ ಭೋಜನ ಕೂಟವನ್ನು ಏರ್ಪಡಿಸಲಾಗಿತ್ತು.
