ಶಿರಸಿ: ತಾಲೂಕಿನ ಕಿರುವತ್ತಿ ಗ್ರಾಮದ ಶಾಲೆಗೆ ಅನಂತಮೂರ್ತಿ ಹೆಗಡೆ ಚಾರಿಟೇಬಲ್ ಟ್ರಸ್ಟನ ಸ್ಥಾಪಕರಾದ ಅನಂತಮೂರ್ತಿ ಅವರು ಶುದ್ಧ ನೀರಿನ ಘಟಕವನ್ನು ವಿತರಣೆ ಮಾಡಿದರು.ಶಾಲೆ ಮಕ್ಕಳಿಗೆ ಶುದ್ಧ ನೀರು ಸಿಗಬೇಕು ಜೊತೆಗೆ ಅವರ ಅರೋಗ್ಯದ ಹಿತದೃಷ್ಟಿಯಿಂದ ಹಲವಾರು ಶಾಲೆಗಳಿಗೆ ಉಚಿತವಾಗಿ ಶುದ್ಧ ನೀರಿನ ಘಟಕವನ್ನು ವಿತರಣೆಮಾಡುತ್ತಿದ್ದೇನೆ. ಕಿರುವತ್ತಿ ಗ್ರಾಮಸ್ಥರು ತುಂಬಾ ಹಿಂದೆ ನನ್ನ ಹತ್ತಿರ ಈ ವಿಚಾರದ ಬಗ್ಗೆ ಮಾತನಾಡಿದ್ದರು. ಸಾಕಷ್ಟು ಶಾಲೆಗೆ ಕೊಡಬೇಕಾಗಿದ್ದ ಕಾರಣ ಸ್ವಲ್ಪ ವಿಳಂಬವಾಯಿತು. ಒಳ್ಳೆಯ ಕೆಲಸಗಳು ಮಕ್ಕಳಿಗೆ ಸ್ಫೂರ್ತಿ ನೀಡಲಿ ಎಂದು ಕಾರ್ಯಕ್ರಮದಲ್ಲಿ ಅನಂತಮೂರ್ತಿ ಹೆಗಡೆ ಹೇಳಿದರು.
ನಂತರ ಮುಖ್ಯೋಪಾಧ್ಯಾಯ ಬಸವರಾಜ ಮಾತನಾಡಿ ಅಶುದ್ಧ ನೀರಿನಿಂದ ಮಲೇರಿಯಾ ಡೆಂಗ್ಯೂ ಅಂತಹ ಕಾಯಿಲೆಗಳು ಬರುತ್ತಿವೆ. ಅನಂತಮೂರ್ತಿ ಹೆಗಡೆಯವರು ನೀಡಿದ ಶುದ್ಧ ನೀರಿನ ಘಟಕ ಶಾಲೆಗೆ ತುಂಬಾ ಉಪಯುಕ್ತ ಎಂದು ಮಾತನಾಡಿದರು, ನಂತರ ಶುದ್ಧ ನೀರಿನ ಘಟಕವನ್ನು ಉದ್ಘಾಟನೆ ಮಾಡಿ ಅತಿಥಿಗಳಿಗೆ ಗೌರವಿಸಲಾಯಿತು.
ಕಾರ್ಯಕ್ರಮದಲ್ಲಿ ರೈತ ಮೋರ್ಚಾ ಅಧ್ಯಕ್ಷ ರಮೇಶ ನಾಯ್ಕ, ಶುದ್ಧ ನೀರಿನ ಘಟಕ ಸಂಸ್ಥೆ ಮಾಲೀಕ ಮಂಜುನಾಥ, SDMC ಅಧ್ಯಕ್ಷರಾದ ಕೆರೆ ಸ್ವಾಮಿ ಚೆನ್ನಯ್ಯ, ಸಂತೋಷ ನಾಯ್ಕ ಬ್ಯಾಗದ್ದೆ, ಗಜೇಂದ್ರ ನಾಯ್ಕ ಕಿರುವತ್ತಿ ಹಾಗೂ ಊರಿನ ಸದಸ್ಯರು ಮುಂತಾದವರು ಹಾಜರಿದ್ದರು.
