ಯಲ್ಲಾಪುರ: ಶ್ರೀಕೃಷ್ಣೋತ್ಸವ ಸಮಿತಿ ಚಿಕ್ಕುಮನೆ (ನವಗ್ರಾಮ) ಇವರು ಪ್ರತಿಷ್ಠಾಪಿಸಿರುವ 19ನೇ ವರ್ಷದ ಶ್ರೀಕೃಷ್ಣ ಮೂರ್ತಿಯನ್ನು ರಾಮಜನ್ಮಭೂಮಿ ಅಯೋಧ್ಯೆ ಶ್ರೀರಾಮಲಲಾ ಮೂರ್ತಿಯ ರೂಪಕದಲ್ಲಿ ನಿರ್ಮಿಸಲಾಗಿದ್ದು ಮೂರ್ತಿಯು ಜನರ ಗಮನಸೆಳೆಯುತ್ತಿದೆ.
ಖ್ಯಾತ ಮೂರ್ತಿ ಕಲಾವಿದ ಸುದರ್ಶನ ಆಚಾರಿ ಈ ಸುಂದರ ಮೂರ್ತಿಯನ್ನು ನಿರ್ಮಿಸಿದ್ದಾರೆ. ಶ್ರೀಕೃಷ್ಣೋತ್ಸವ ಸಮಿತಿ ಚಿಕ್ಕುಮನೆ ಪ್ರತಿವರ್ಷದಂತೆ ಈ ವರ್ಷವು ಮನರಂಜನಾ ಕಾರ್ಯಕ್ರಮ, ಮೊಸರು ಗಡಿಗೆ ಒಡೆಯುವ ಕಾರ್ಯಕ್ರಮ, ಅನ್ನದಾನ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತ ಬರುತ್ತಿವೆ. ಚಿಕ್ಕುಮನೆ (ನವಗ್ರಾಮ)ದ ಯುವಕರೆಲ್ಲರೂ ಸೇರಿ ಅತ್ಯಂತ ವಿಜೃಂಭಣೆಯಿಂದ ಕಾರ್ಯಕ್ರಮಗಳನ್ನು ರೂಪಿಸಿದ್ದರು.
