ಶಿರಸಿ: ನಗರದಲ್ಲಿ ಬಿಡಾಡಿ ನಾಯಿಗಳ ಕಾಟ ಮಿತಿಮೀರಿದ್ದು, ಶನಿವಾರ ಮಧ್ಯರಾತ್ರಿ ವೇಳೆ ಸಿ.ಪಿ.ಬಜಾರಿನಲ್ಲಿ ಎಂಟಕ್ಕೂ ಹೆಚ್ಚು ಜನರ ಮೇಲೆ ದಾಳಿ ಮಾಡಿದ ಘಟನೆ ವರದಿಯಾಗಿದೆ.
ನಗರಸಭೆಯ ಸಿಬ್ಬಂದಿ ರಾಜು ಕಾನಡೆ ನಾಯಿ ದಾಳಿಗೆ ಒಳಗಾಗಿದ್ದು, ಇವರ ತೊಡೆಯ ಭಾಗಗಳಲ್ಲಿ ಗಾಯಗಳಾಗಿವೆ.
ಜನತೆಯ ಆಕ್ರೋಶ :- ನಗರಸಭೆಯ ನಿರ್ಲಕ್ಷ್ಯತನಕ್ಕೆ ಶಿರಸಿ ಜನತೆ ಹಿಡಿಶಾಪ ಹಾಕುತ್ತಿದ್ದು, ಜಿಲ್ಲಾಧಿಕಾರಿಗಳು ಬಿಡಾಡಿ ನಾಯಿಗಳ ನಿಯಂತ್ರಣಕ್ಕೆ ಅಂದು ನೀಡಿದ ಭರವಸೆಯಿಂದ ಹಿಂದಕ್ಕೆ ಸರಿದಿದ್ದಾರೆ. ಇತ್ತ ನಗರಸಭೆಯವರೂ ಮೌನತಳೆದಿದ್ದಾರೆ. ಈ ಸಮಸ್ಯೆಗೆ ಪರಿಹಾರ ನೀಡುವವರಾರು ಎಂದು ಪ್ರಶ್ನಿಸಿದ್ದಾರೆ.
