ಶಿರಸಿ: ಸಪ್ತಕ ಬೆಂಗಳೂರು ಹಾಗೂ ಸ್ಥಳೀಯ ಸಂಸ್ಥೆಯಾದ ವತನ ಕಲಾ ಕುಸುಮ ಸಹಯೋಗದಲ್ಲಿ ಸ್ವರ ಲಯ ಲಹರಿ ಕಾರ್ಯಕ್ರಮವು ಫೆ. 23ರಂದು ಸಾಯಂಕಾಲ 5:30ಕ್ಕೆ ನೆಮ್ಮದಿ ಆವರಣದ ರಂಗಧಾಮದಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮದಲ್ಲಿ ದೇಶ ವಿದೇಶದಲ್ಲಿ ಹೆಸರು ಮಾಡಿದಂತಹ ಓಜಸ್ ಅಧಿಯಾ, ಮುಂಬೈ ಅವರ ತಬಲಾ ಸೋಲೋ ಕಾರ್ಯಕ್ರಮ ನಡೆಯಲಿದೆ. ಹಾಗೆಯೇ ಶ್ರೀಮತಿ ವೀಣಾ ಮೊಪ್ಕಾರ, ಗೋವಾ ಇವರ ಗಾಯನ ಕಾರ್ಯಕ್ರಮ ಇರುತ್ತದೆ. ಈ ಕಾರ್ಯಕ್ರಮಕ್ಕೆ ಸಹಕಲಾವಿದರಾಗಿ ಅಮರ್ ಮೊಪ್ಕಾರ ಗೋವಾ, ಸಿದ್ದೇಶ್ ಬಿಚೋಲ್ಕರ್ ಮುಂಬೈ ಹಾಗೂ ಭರತ್ ಹೆಗಡೆ, ಹೆಬ್ಬಲಸು ಸಹಕರಿಸಲಿದ್ದಾರೆ.
ಕಲಾಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಕಲೆಯನ್ನು ಆಸ್ವಾದಿಸಲು ಸಂಚಾಲಕರಾದ ಜಿ.ಎಸ್. ಹೆಗಡೆ, ಬೆಂಗಳೂರು ಹಾಗೂ ಮನು ಹೆಗಡೆ ಪುಟ್ಟನಮನೆ ವಿನಂತಿಸಿದ್ದಾರೆ.
