• first
    second
    third
    previous arrow
    next arrow
  • ನಿವೃತ್ತ ಸೈನಿಕರಿಗೆ ಮೆರವಣಿಗೆಯ ಸ್ವಾಗತ- ಸನ್ಮಾನ

    300x250 AD

    ಹಳಿಯಾಳ: ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತಿ ಹೊಂದಿದ ಮೂವರು ಸೈನಿಕರನ್ನು ಸೂಪಾ ಗ್ರೇಟ್ ವಾರಿಯರ್ಸ್ ನಿವೃತ್ತ ಸೈನಿಕರ ಸಂಘ ಮತ್ತು ತಾಲೂಕಿನ ಸಾರ್ವಜನಿಕರು ಮಂಗಳವಾರ ಸನ್ಮಾನಿಸಿ ಗೌರವಿಸಿದರು.


    ಸೇನೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾದ ಕುಂಬಾರವಾಡಾದ ಕಾಂತಾ ಮಾನೆರಕರ, ಜೋಯಿಡಾದ ನಿಲೇಶ ನಾಯ್ಕ, ತೇರಾಳಿಯ ಸಂಜಯ ದೇಸಾಯಿ ಅವರನ್ನು ಮೆರವಣಿಗೆಯ ಮೂಲಕ ಪಟಾಕಿ ಸಿಡಿಸಿ, ಹೂವಿನ ಮಾಲೆ ಹಾಕಿ ಮೂಲಕ ಜೊಯಿಡಾಕ್ಕೆ ಬರಮಾಡಿಕೊಳ್ಳಲಾಯಿತು.

    300x250 AD


    ಈ ಸಂದರ್ಭದಲ್ಲಿ ಮಾತನಾಡಿದ ಜೊಯಿಡಾದ ನಿವೃತ್ತ ಸೈನಿಕ ಸಂತೋಷ ಸಾವಂತ, ಭಾರತ ಸುರಕ್ಷಿತವಾಗಿರಲು ಮುಖ್ಯ ಕಾರಣ ನಮ್ಮ ಸೈನಿಕರು. ದೇಶ ಸೇವೆಗಾಗಿ ಪ್ರಾಣ ತ್ಯಾಗ ಮಾಡಲು ನಮ್ಮ ಸೈನಿಕರು ಹಿಂದೆ ಸರಿಯುವುದಿಲ್ಲ. ಇಂಥ ಸೈನಿಕರನ್ನು ಸನ್ಮಾನಿಸುತ್ತಿರುವುದು ಹೆಮ್ಮೆಯ ಸಂಗತಿ. ನಿವೃತ್ತ ಸೈನಿಕರ ಸಂಘವಾದ ಸೂಪಾ ಗ್ರೇಟ್ ವಾರಿಯರ್ಸ್ ವತಿಯಿಂದ ನಿವೃತ್ತಿ ಹೊಂದಿದ ನಮ್ಮ ತಾಲೂಕಿನ ಪ್ರತಿಯೊಬ್ಬ ಸೈನಿಕರನ್ನು ಅವರ ಮನೆಯವರೆಗೆ ಬರಮಾಡಿಕೊಳ್ಳುವುದು ಗೌರವದ ಕರ್ತವ್ಯವಾಗಿದೆ ಎಂದರು. ಕುಂಬಾರವಾಡಾದಲ್ಲಿ ಪುರುಷೋತ್ತಮ್ ಕಾಮತ್ ನೇತೃತ್ವದಲ್ಲಿ ನಿವೃತ್ತ ಸೈನಿಕರಿಗೆ ಸನ್ಮಾನಿಸಿ ಮೆರವಣಿಗೆ ನಡೆಯಿತು.


    ಈ ಸಂದರ್ಭದಲ್ಲಿ ಜೊಯಿಡಾ ಗ್ರಾ. ಪಂ. ಅಧ್ಯಕ್ಷ ಅರುಣ ಕಾಂಬ್ರೆಕರ, ನಾಗೋಡಾ ಗ್ರಾ. ಪಂ. ಅಧ್ಯಕ್ಷ ದಿಗಂಬರ ದೇಸಾಯಿ ಹಾಗೂ ನಿವೃತ್ತ ಸೈನಿಕ ಸಂಘದ ಸದಸ್ಯರು ಹಾಗೂ ನೂರಾರು ಸಾರ್ವಜನಿಕರು ಉಪಸ್ಥಿತರಿದ್ದರು.

    Share This
    300x250 AD
    300x250 AD
    300x250 AD
    Back to top