ಹೊನ್ನಾವರ : ತಾಲೂಕಿನ ಬಂದರು ರಸ್ತೆಯಲ್ಲಿರುವ ತುಳಸಿ ಫಾರ್ಮ್ ಔಷಧಿ ಮಳಿಗೆ ಪ್ರದೇಶದಲ್ಲಿ ಅಪರಿಚಿತ ವ್ಯಕ್ತಿಯ ಶವ ಪತ್ತೆಯಾಗಿದೆ. ಈ ಬಗ್ಗೆ ಎಸ್ಪಿ ಕಚೇರಿ ಗುರುವಾರ ರಾತ್ರಿ ಮಾಹಿತಿ ನೀಡಿದೆ. ಮೃತ ವ್ಯಕ್ತಿ ಸುಮಾರು 45 ರಿಂದ 50 ವರ್ಷದೊಳಗಿನವನಾಗಿದ್ದು ಅನಾರೋಗ್ಯದಿಂದಲೋ ಅಥವಾ ಇನ್ನಾವುದೋ ಕಾರಣದಿಂದ ಮೃತಪಟ್ಟಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಮೃತ ವ್ಯಕ್ತಿ ಗುರುತು ಪತ್ತೆಗೆ ಪೊಲೀಸರು ಮುಂದಾಗಿದ್ದು ತನಿಖೆ ಕೈಗೊಂಡಿದ್ದಾರೆ.
