• first
    second
    third
    previous arrow
    next arrow
  • SLC ಸಾಧನೆ; ‘ಉಪೇಂದ್ರ ಪೈ ಸೇವಾ ಟ್ರಸ್ಟ್‌’ನಿಂದ ಅಖಿಲಾ ಹೆಗಡೆಗೆ ಸನ್ಮಾನ

    300x250 AD

    ಸಂಕ್ರಮಿಸು ನೀ ಹೊಸ ಹಾದಿಯಲಿ
    ಪಥವ ಬದಲಿಸುವ ಸೂರ್ಯನಂತೆ
    ಹಳೆಕಳೆಯ ಕಿತ್ತೆಸೆದು ಹೊಸತನವ ಬಿತ್ತುತ
    ನಿತ್ಯ ನಿರಂತರವಾಗಿ ಬರಲಿ ನವ ಸಂಕ್ರಮಣ||
    ಸಂಕ್ರಮಿಸು ನೀ ಹೊಸ ಚಿಂತನೆಯಲಿ
    ಹಳೆಯ ಹಾಳು ದಿನಚರಿಯ ಕಿತ್ತೆಸೆದು
    ಜಿಡ್ಡುಗಟ್ಟಿದ ಮನದ ಭಾವ ಬಿತ್ತಿಯನು
    ಉಜ್ಜಿ ತೊಳೆದು ಹೊಸದಾಗಿ ಸಿಂಗರಿಸು||
    ಕ್ರಮಿಸು ನೀ ಹೊಸ ಭಾವದಲಿ
    ಮೊದಲಾಗಲಿ ಅದು ದಿನಚರಿಯಲ್ಲಿ
    ಬದಲಾಗಲಿ ಬಾಳ ಚರ್ಯೆಯಲ್ಲಿ
    ನಡೆ-ನುಡಿ ಶಿಸ್ತು ಸಂಯಮದಲ್ಲಿ||
    ಕ್ರಮಿಸು ನೀ ಹೊಸ ಭರವಸೆಯಲಿ
    ನಿನ್ನೆ ನಿಂತದ್ದಿಲ್ಲ ನಾಳೆ ಕಾಯುವುದಿಲ್ಲ
    ಪ್ರತಿಕ್ಷಣದ ಚಲನೆಯದು ನಮ್ಮ ಪಯಣ
    ಸಿಂಗರಿಸಲಿ ಮನವನ್ನು ಹಸಿರು ತೋರಣ||
    ಕ್ರಮಿಸು ನೀ ಹೊಸತು ಚೈತನ್ಯದಲ್ಲಿ
    ತುಳಿದ ಹಾದಿಯ ಕಸವ ಗುಡಿಸಿ ಹಾಕು
    ಮುಂದಡಿಯನಿಡುವಲ್ಲಿ ರಂಗವಲ್ಲಿಯ ಇರಿಸು
    ಹೊಸಹೊಸ ಯುಕ್ತಿ ನವಶಕ್ತಿ ತುಂಬಿ ಸಾಗು||
    ಇನ್ನಾದರೂ ಸಂಕ್ರಮಿಸು ಹೊಸ ಹುಟ್ಟಿನಲ್ಲಿ
    ನವ- ನವೀನ ಬೆಳಗುಗಳ ಸಂಕ್ರಮಣದಲ್ಲಿ…

    – ಶ್ರೀ ಮೋಹನ ಭರಣಿ
    ಶ್ರೀದೇವಿ ಪಿಯು ಕಾಲೇಜು ಹುಲೇಕಲ್

    300x250 AD
    Share This
    300x250 AD
    300x250 AD
    300x250 AD
    Leaderboard Ad
    Back to top