ಅಂಕೋಲಾ: ಪರವಾನಿಗೆ ಯಿಲ್ಲದೇ ಅಕ್ರಮವಾಗಿ ಜಾನುವಾರು ಸಾಗಾಟ ಮಾಡುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಅಂಕೋಲಾ ಪೋಲೀಸರು ಬಂಧಿಸಿದ್ದಾರೆ.
ಬಂಧಿತರನ್ನು ಕಲಘಟಗಿ ಮೂಲದ ನಾಗರಾಜಕಟ್ಟಿಮನಿ ಹಾಗೂ ಬಸಣ್ಣಯ್ಯ ಹಿರೇಮಠ ಎಂದು ಗುರುತಿಸಲಾಗಿದೆ.
ಬಂಧಿತರು ರೈತರೊಬ್ಬರಿಂದ ಎಮ್ಮೆಯನ್ನು ಖರೀದಿಸಿ ಪರವಾನಗಿಯಿಲ್ಲದೇ ಸಾಗಿಸುತ್ತಿದ್ದರು.
ಈ ವೇಳೆ ಸಿಪಿಐ ಸಂತೋಶ್ ಶೆಟ್ಟಿ ನೇತೃತ್ವದಲ್ಲಿ ಪೊಲೀಸರು ವಾಹನ ತಡೆದು ಪರಿಶೀಲಿಸಿದ್ದಾರೆ. ತಪಾಸಣೆ ಸಂದರ್ಭದಲ್ಲಿ ಎಮ್ಮೆಗಳಿಗೆ ಗಾಯಗಳಾಗಿರುವುದು ಕಂಡುಬoದಿದೆ.
ತಕ್ಷಣವೇ ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ಜಾನುವಾರುಗಳನ್ನು ಹೊನ್ನಾವರದ ಗೇರುಸೊಪ್ಪ ಗೋ ಶಾಲೆಗೆ ಸೇರಿಸಲಾಗಿದೆ.
