ರುಚಿಕರವಾದ ಕಾರ್ನ್ ಪುಲಾವ್ ಮಾಡಿ ಸವಿದು ನೋಡಿ

ಅಡುಗೆ ಮನೆ: ಬೇಕಾಗುವ ಸಾಮಗ್ರಿ: 250 ಗ್ರಾಂ ಪಲಾವ್ ಅಕ್ಕಿ, 2 ಕಪ್ ಕಾರ್ನ್, 2 ಟೀ ಸ್ಪೂನ್-ತೆಂಗಿನೆಣ್ಣೆ, 1 ಈರುಳ್ಳಿ ಸಣ್ಣಗೆ ಹೆಚ್ಚಿದ್ದು, 1 ಟೀ ಸ್ಪೂನ್-ಶುಂಠಿ ಬೆಳ್ಳುಳ್ಳಿ ಪೇಸ್ಟ್, 1 ಟೀ ಸ್ಪೂನ್ ಉಪ್ಪು, 4-ಹಸಿಮೆಣಸು, ಜೀರಿಗೆ-1 ಚಮಚ, ಟೀ ಸ್ಪೂನ್-ಕಾಳುಮೆಣಸು, 8-ಲವಂಗ, 2 ಕಪ್-ಬಿಸಿನೀರು, ಕೊತ್ತಂಬರಿ ಸೊಪ್ಪು 3 ಟೇಬಲ್ ಚಮಚ, 2 ಟೀ ಸ್ಪೂನ್-ನಿಂಬೆಹಣ್ಣಿನ ರಸ, ತೆಂಗಿನಕಾಯಿ ತುರಿ ಸ್ವಲ್ಪ,

ಮಾಡುವ ವಿಧಾನ: ಮೊದಲಿಗೆ ಅಕ್ಕಿಯನ್ನು ಅರ್ಧ ಗಂಟೆ ನೆನೆಸಿಡಿ. ನಂತರ ಒಂದು ಮಿಕ್ಸಿ ಜಾರಿಗೆ ಸ್ವಲ್ಪ ತೆಂಗಿನತುರಿ, ಹಸಿಮೆಣಸು, ಕೊತ್ತಂಬರಿ ಸೊಪ್ಪನ್ನು ನಯವಾಗಿ ಪೇಸ್ಟ್ ಮಾಡಿಕೊಳ್ಳಿ. ನಂತರ ಒಂದು ಗ್ಯಾಸ್ ಮೇಲೆ ಬಾಣಲೆ ಇಟ್ಟು ಅದಕ್ಕೆ ತೆಂಗಿನೆಣ್ಣೆ ಹಾಕಿ, ನಂತರ ಅದಕ್ಕೆ ಜೀರಿಗೆ ಹಾಕಿ, ಲವಂಗ, ಪಲಾವ್ ಎಲೆ, ಕಾಳುಮೆಣಸು ಹಾಕಿ. ನಂತರ ಈರುಳ್ಳಿ, ಹಸಿಮೆಣಸು, ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ 2 ನಿಮಿಷ ಕೈಯಾಡಿಸಿ. ಅದಾದ ನಂತರ ರುಬ್ಬಿಕೊಂಡ ಮಿಶ್ರಣವನ್ನು ಹಾಕಿ 5 ನಿಮಿಷ ಕೈಯಾಡಿಸಿ. ನಂತರ ಕಾರ್ನ್ ಸೇರಿಸಿ ಮಿಶ್ರಣ ಮಾಡಿ ನಂತರ 2 ಕಪ್ ನೀರು ಸೇರಿಸಿ ಕುದಿಸಿ. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಅಕ್ಕಿಯನ್ನು ಹಾಕಿ, ಕೊತ್ತಂಬರಿ ಸೊಪ್ಪು ಉದುರಿಸಿ, ಲಿಂಬು ಹಿಂಡಿ ಕುಕ್ಕರ್ ಮುಚ್ಚಳ ಹಾಕಿ. 2 ವಿಶೆಲ್ ಕೂಗಿಸಿ. ತಣ್ಣಗಾದ ಮೇಲ್ ತೆರೆದು ಸರ್ವ್ ಮಾಡಿ.