• first
    second
    third
    previous arrow
    next arrow
  • ರೇಶನ್‍ದಾರರ ಕೆವೈಸ್ ಕೇಳಿ ಆಹಾರ ಇಲಾಖೆ ನೋಟಿಸ್; ಗೋಪಾಲಕೃಷ್ಣ ವೈದ್ಯ ಆಕ್ಷೇಪ

    300x250 AD

    ಶಿರಸಿ: ರೇಶನ್ ಕಾರ್ಡುದಾರರು ಕಡ್ಡಾಯವಾಗಿ ಇ-ಕೆವೈಸಿ ಮಾಡಿಕೊಳ್ಳಬೇಕು ಎಂಬ ಆದೇಶದಂತೆ ಇದುವರೆಗೂ ಕೆವೈಸ್ ಪ್ರಕ್ರಿಯೆ ಪೂರ್ಣಗೊಳಿಸದ ಬಗ್ಗೆ ಆಹಾರ ಇಲಾಖೆ, ರೇಶನ್ ಅಂಗಡಿ ನಡೆಸುವ ಸೊಸೈಟಿಗಳವರಿಗೆ ಕಾರಣ ಕೇಳಿ ನೋಟಿಸ್ ನೀಡಿರುವ ಬಗ್ಗೆ ಮುಂಗಡನಮನೆ ಸಹಕಾರಿ ಸಂಘದ ಅಧ್ಯಕ್ಷ ಗೋಪಾಲಕೃಷ್ಣ ವೈದ್ಯ ಆಕ್ಷೇಪ ವ್ಯಕ್ತ ಪಡಿಸಿದ್ದಾರೆ.


    ಆಹಾರ ಇಲಾಖೆಯ ನೋಟೀಸ್ ನೋಡಿದರೆ ಎತ್ತಿಗೆ ರೋಗ ಬಂದರೆ ಕೋಣಂಗೆ ಬರೆ ಎಳೆಯುತ್ತಾರೆಂಬ ಗಾದೆ ನೆನಪಾಗುತ್ತದೆ. ಏಕೆಂದರೆ ಆಹಾರ ಇಲಾಖೆಯ ಆಯುಕ್ತರು ಎಲ್ಲಾ ಕಾರ್ಡುದಾರರು ಇ-ಕೆವೈಸಿ ಮಾಡಿಕೊಳ್ಳುವುದು ಕಡ್ಡಾಯವೆಂದು ತಿಳಿಸಿರುತ್ತಾರೆ. ಪ್ರತಿ ತಿಂಗಳ 1 ನೇ ತಾರೀಖಿನಿಂದ 10 ನೇ ತಾರೀಖಿನವರೆಗೆ ರೇಶನ್ ಅಂಗಡಿಗಳಲ್ಲಿ ಇ-ಕೆವೈಸಿ ಮಾಡಬೇಕೆಂದು ಆದೇಶಿಸಿದ್ದಾರೆ. 2018 ಜು.2 ರಂದು ಈ ಆದೇಶ ಬಂದಿದ್ದರೂ ಕೊವಿಡ್ ಕಾರಣದಿಂದ ಇದು ಕಾರ್ಯರೂಪಕ್ಕೆ ಬಂದಿರಲಿಲ್ಲ. ಆದರೆ ಈಗ ಎರಡು ತಿಂಗಳಿನಿಂದ ಈ ಪ್ರಕ್ರಿಯೆ ಪ್ರಾರಂಭವಾಗಿದೆ.

    300x250 AD

    ಇ-ಕೆವೈಸಿ ಪೂರ್ಣಗೊಳಿಸಲು ಎಲ್ಲ ಕಾರ್ಡುದಾರ ಕಾರ್ಡುಗಳಲ್ಲಿರುವ ಹೆಸರಿನ ಸದಸ್ಯರು ರೇಶನ್ ಅಂಗಡಿಗೆ ಭೇಟಿ ಕೊಡಲೇಬೇಕಾಗುತ್ತದೆ. ಅಲ್ಲದೇ ರೇಶನ್ ಅಂಗಡಿಯಲ್ಲಿ ತಾಂತ್ರಿಕ ಕಾರಣದಿಂದ (ಸರ್ವರ್ ಸಮಸ್ಯೆಯಿಂದ) ತೀವ್ರವಾಗಿ ಈ ಪ್ರಕ್ರಿಯೆ ಪೂರ್ಣಗೊಳಿಸಲು ಸಾಧ್ಯವಾಗುವುದಿಲ್ಲ. ಆದರೆ ವಿಪರ್ಯಾಸವೆಂದರೆ 2021 ಆ.2 ರಂದು ಆಯುಕ್ತರು ನ್ಯಾಯಬೆಲೆ ಅಂಗಡಿಗೆ ಇನ್ನೂ ಇ-ಕೆವೈಸಿ ಪೂರ್ಣಗೊಳಿಸಿಲ್ಲದ್ದಕ್ಕೆ ಕಾರಣ ಕೇಳಿ ನೋಟೀಸು ನೀಡಿರುತ್ತಾರೆ. ಕಾರ್ಡುದಾರರೇ ರೇಶನ್ ಅಂಗಡಿಗೆ ಬರದೇ ಇದ್ದಲ್ಲಿ ಅಥವಾ ಸರ್ವರ್ ಸಮಸ್ಯೆಯಿಂದ ಇ-ಕೆವೈಸಿ ಮಾಡಲು ಸಾಧ್ಯವಾಗದಿದ್ದರೆ ತಾವು ಹೇಗೆ ಜವಾಬ್ದಾರರೆಂದು ಮುಂಡಗನಮನೆ ಸೊಸೈಟಿ ಅಧ್ಯಕ್ಷ ಗೋಪಾಲಕೃಷ್ಣ ವೈದ್ಯ ಪ್ರಶ್ನಿಸಿದ್ದಾರೆ.

    Share This
    300x250 AD
    300x250 AD
    300x250 AD
    Leaderboard Ad
    Back to top