• first
    second
    third
    previous arrow
    next arrow
  • ಮುಸುಕಿನ ಜೋಳಕ್ಕೆ ಕೀಟಬಾಧೆ: ಆತಂಕಕ್ಕೀಡಾದ ರೈತ

    300x250 AD

    ಯಲ್ಲಾಪುರ: ತಾಲೂಕಿನ ಕಿರವತ್ತಿ, ಮದನೂರು ಗ್ರಾ.ಪಂ ವ್ಯಾಪ್ತಿಯಲ್ಲಿ ಮುಸುಕಿನ ಜೋಳಕ್ಕೆ ಕೀಟಬಾಧೆ ಆರಂಭವಾಗಿದ್ದು, ರೈತರ ಚಿಂತೆಗೆ ಕಾರಣವಾಗಿದೆ.
    ಕಿರವತ್ತಿ, ಮದನೂರು ಭಾಗದ ಬೈಲಂದೂರು, ಹೊಸಳ್ಳಿ, ಕಿರವತ್ತಿ, ಕಂಚನಳ್ಳಿ, ಮದನೂರು, ಹೆಗ್ಗಾಪುರ ಗ್ರಾಮಗಳಲ್ಲಿ ಈಗಾಗಲೇ ಮುಸುಕಿನ ಜೋಳ ಬಿತ್ತನೆ ಮಾಡಲಾಗಿದೆ. ಮುಸುಕಿನ ಜೋಳಕ್ಕೆ ಫಾಲ್‌ಸೈನಿಕ ಹುಳುವಿನ ತೀವ್ರ ಬಾಧೆ ಕಾಡುತ್ತಿದ್ದು, ಇದರಿಂದ ಬೆಳೆ ಕಾಯ್ದುಕೊಳ್ಳುವುದು ಹೇಗೆ ಎಂಬ ಆತಂಕ ರೈತರಿಗೆ ಎದುರಾಗಿದೆ.
    ಈಗಿನ್ನೂ ಮಳೆಗಾಲ ಆರಂಭವಾಗುತ್ತಿದೆ. ಇಷ್ಟರಲ್ಲಾಗಲೇ ಮುಸುಕಿನ ಜೋಳದ ಎಲೆಯ ಸುಳಿಯನ್ನು ಫಾಲ್ ಸೈನಿಕ ಹುಳುಗಳು ಹಾಳು ಮಾಡುತ್ತಿವೆ. ಬೆಳೆ ಕೈಗೆ ಬರದಿದ್ದರೆ ಗತಿಯೇನು ಎಂಬುದು ರೈತರ ಚಿಂತೆಯಾಗಿದೆ.


    ಅಧಿಕಾರಿಗಳ ಭೇಟಿ: ತಾಲೂಕಿನ ಕಿರವತ್ತಿ ಹಾಗೂ ಮದನೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ರೈತರ ಹೊಲಗಳಿಗೆ ಸಹಾಯಕ ಕೃಷಿ ನಿರ್ದೇಶಕ ನಾಗರಾಜ ನಾಯ್ಕ ಹಾಗೂ ಆತ್ಮಾ ಯೋಜನೆಯ ವ್ಯವಸ್ಥಾಪಕ ಪ್ರಕಾಶ ಸಾಸನೂರು ಭೇಟಿ ನೀಡಿ ಪರಿಶೀಲಿಸಿದರು. ಕೀಟಬಾಧೆಯ ಕುರಿತು ರೈತರಿಂದ ಮಾಹಿತಿ ಪಡೆದರು.
    ಕೀಟಬಾಧೆಯ ಹತೋಟಿಗಾಗಿ ಸಸ್ಯ ಸಂರಕ್ಷಣಾ ಕ್ರಮಗಳನ್ನು ರೈತರು ಅಳವಡಿಸಿಕೊಳ್ಳಬೇಕು. ಕೀಟ ಬಾಧಿತತ ಬೆಳೆಗೆ 0.2 ರಿಂದ 0.4 ಗ್ರಾಂ. ಇಮಾಮೆಕ್ಟಿನ್ ಬೆಂಜೋಯೇಟ್ ಕೀಟನಾಶಕವನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಬೆಳೆಯ ಸುಳಿಗೆ ಸಿಂಪಡಿಸಬೇಕು. ಅಥವಾ ಎಕರೆಗೆ 25 ಕೆ.ಜಿ ಉಸುಕಿನಲ್ಲಿ 15 ಗ್ರಾಂ. ಇಮಾಮೆಕ್ಟಿನ್ ಬೆಂಜೋಯೇಟ್ ಕೀಟನಾಶಕವನ್ನು ಸೇರಿಸಿ ಸುಳಿಯ ಒಳಗೆ ಬೀಳುವಂತೆ ಹಾಕುಬೇಕು.
    ಸಸ್ಯ ಸಂರಕ್ಷಣಾ ಔಷಧಿಗಳು ರೈತ ಸಂಪರ್ಕ ಕೇಂದ್ರದಲ್ಲಿ ರಿಯಾಯಿತಿ ದರದಲ್ಲಿ ದೊರೆಯುತ್ತಿದ್ದು ಇದರ ಸದುಪಯೋಗವನ್ನು ರೈತರು ಪಡೆದುಕೊಳ್ಳಬೇಕೆಂದು ರೈತರಿಗೆ ಸಲಹೆ ನೀಡಿದರು.

    300x250 AD
    Share This
    300x250 AD
    300x250 AD
    300x250 AD
    Back to top