• first
    second
    third
    previous arrow
    next arrow
  • ಸಾಗರ ಮತ್ಸ್ಯಾಲಯದ ಅಕ್ವೇರಿಯಂಗಳು ವಿಜ್ಞಾನ ಕೇಂದ್ರಕ್ಕೆ ಸ್ಥಳಾಂತರ

    300x250 AD

    ಕಾರವಾರ: ನಗರದಲ್ಲಿ ಪ್ರವಾಸಿಗರ ಆಕರ್ಷಣೀಯ ಕೇಂದ್ರವಾಗಿದ್ದ ಸಾಗರ ಮತ್ಸ್ಯಾಲಯದ ಕಟ್ಟಡ ಶಿಥಿಲಾವಸ್ಥೆಗೊಂಡು ಶಾಶ್ವತವಾಗಿ ಮುಚ್ಚಲಾಗಿದ್ದು, ಸದ್ಯ ಅಲ್ಲಿನ ಫಿಶ್ ಅಕ್ವೇರಿಯಂಗಳನ್ನ ಜಿಲ್ಲಾ ಉಪ ಪ್ರಾದೇಶಿಕ ವಿಜ್ಞಾನ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದೆ. ವಿಜ್ಞಾನ ಕೇಂದ್ರ ಈಗಾಗಲೇ ವಿಭಿನ್ನ ವೈಜ್ಞಾನಿಕ ಚಟುವಟಿಕೆಗಳಿಂದ ಜನರನ್ನ ಆಕರ್ಷಿಸುತ್ತಿದ್ದು, ಈ ಆಕರ್ಷಣೆಯ ಪಟ್ಟಿಗೆ ಈಗ ಮತ್ಸ್ಯಾಲಯವೂ ಸೇರಿದಂತಾಗಿದೆ.

    ದಶಕಗಳ ಹಿಂದೆ ಇಲ್ಲಿನ ಟ್ಯಾಗೋರ್ ತೀರದಲ್ಲಿ ಸಾಗರ ಮತ್ಸ್ಯಾಲಯ ನಿರ್ಮಾಣಗೊಂಡು ಬರುವ ಪ್ರವಾಸಿಗರಿಗೆ ಕಡಲಾಳದ ಜೀವಿ ಪ್ರಪಂಚಗಳನ್ನ ಪರಿಚಯಿಸುವ ಕಾರ್ಯ ನಡೆಯುತ್ತಿತ್ತು. ಇದರಿಂದ ಜಿಲ್ಲಾಡಳಿತಕ್ಕೂ ಆದಾಯ ಬರುತ್ತಿತ್ತು. ಆದರೆ ಮತ್ಸ್ಯಾಲಯವನ್ನ ಸಮರ್ಪಕವಾಗಿ ನಿರ್ವಹಣೆ ಮಾಡದ ಕಾರಣ ಕಟ್ಟಡದಲ್ಲಿ ಬಿರುಕುಗಳು ಕಾಣಿಸಿಕೊಂಡಿದ್ದು, ಪ್ರವಾಸಿಗರ ಸುರಕ್ಷತೆಯ ದೃಷ್ಟಿಯಿಂದ ಅದನ್ನು ಶಾಶ್ವತವಾಗಿ ಮುಚ್ಚಲಾಗಿದೆ. ಹೀಗಾಗಿ ಅಲ್ಲಿದ್ದ ಮತ್ಸ್ಯಸಂಕುಲಗಳ ಅಕ್ವೇರಿಯಂಗಳನ್ನ ಜಿಲ್ಲಾ ಉಪಪ್ರಾದೇಶಿಕ ವಿಜ್ಞಾನ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದ್ದು, ವಿಜ್ಞಾನ ಕೇಂದ್ರದಲ್ಲೀಗ ನೂತನ ಮತ್ಸ್ಯಾಲಯ ತೆರೆದುಕೊಂಡಿದೆ.

    ವಿಜ್ಞಾನ ಕೇಂದ್ರದಲ್ಲಿ ಈಗಾಗಲೇ ಸಾಕಷ್ಟು ವಿಜ್ಞಾನ ಮಾದರಿಗಳನ್ನು ಅಳವಡಿಸಲಾಗಿದ್ದು, ಇವು ಪ್ರವಾಸಿಗರನ್ನ ಕೈಬೀಸಿ ಕರೆಯುತ್ತಿದೆ. ಆಗಾಗ್ಗೆ ಇಲ್ಲಿ ವೈಜ್ಞಾನಿಕ ಶಿಬಿರ, ಚಟುವಟಿಕೆಗಳು, ತರಬೇತಿ ಕಾರ್ಯಕ್ರಮಗಳು ನಡೆಯುತ್ತಿರುವ ಕಾರಣ ಹೆಚ್ಚು ಜನ ಭೇಟಿ ನೀಡುವ ಸ್ಥಳವಾಗಿದೆ. ಅದರಲ್ಲೂ ಮಕ್ಕಳ ಹಾಗೂ ಶಿಕ್ಷಕರ ವಿಜ್ಞಾನ ಚಟುವಟಿಕೆಗಳ ತಾಣವಾಗಿದೆ. ಹೀಗಾಗಿ ಸದ್ಯ ಇಲ್ಲಿಗೆ ಮತ್ಸ್ಯಾಲಯವನ್ನ ಸ್ಥಳಾಂತರಿಸುವುದು ವಿಜ್ಞಾನ ಕೇಂದ್ರದ ಮಹತ್ವವನ್ನ ಇನ್ನಷ್ಟು ಹೆಚ್ಚು ಮಾಡಿದಂತಾಗಿದೆ.

    300x250 AD

    ಇಲ್ಲಿ ನಿರ್ಮಾಣಗೊಂಡ ಮತ್ಸ್ಯಾಲಯದಲ್ಲಿ ಸದ್ಯ ಹತ್ತಾರು ಮೀನುಗಳನ್ನ ಕಾಣಬಹುದಾಗಿದೆ. ಜಪಾನಿಸ್ ಕೋಯ್, ಸ್ಮಾಲ್ ಕೋಯ್, ಗೋಲ್ಡನ್ ರೋಸಿ, ಡೈಮಂಡ್ ಆ್ಯಂಗಲ್, ಗೋಲ್ಡ್ ಫಿಶ್, ಕಾಪರ್ ಗೋಲ್ಡ್, ಅಲ್ಬಿನೊ ಶಾರ್ಕ್, ವೈಟ್ ಮೂಲೀಸ್, ಬ್ಲಾಕ್ ಮಾರ್ಫ್ ಹೀಗೆ 30ಕ್ಕೂ ಹೆಚ್ಚು ವಿಧದ ಮೀನುಗಳು, ಆಮೆಗಳ ಮರಿಗಳೂ ಇಲ್ಲಿ ಕಾಣಸಿಗುತ್ತವೆ. ನೂರಾರು ವರ್ಷಗಳ ತಿಮಿಂಗಿಲದ ಅಸ್ತಿಯನ್ನು ಕೂಡ ಇಲ್ಲಿ ಸಂರಕ್ಷಿಸಿಡಲಾಗಿದ್ದು, ಇದು ಹಲವು ಕೌತುಕಗಳ ಆಗರವಾಗಿದೆ.


    Share This
    300x250 AD
    300x250 AD
    300x250 AD
    Back to top