• first
    second
    third
    previous arrow
    next arrow
  • 500 ವರ್ಷಗಳ ಹಳೆಯದಾದ ಪರೋಪಕಾರಿ ಗೋಣಿ ಮರ ಇಂದು ನೆನಪು ಮಾತ್ರ; ಪರಮೇಶ್ವರಯ್ಯ

    300x250 AD

    ಸಿದ್ದಾಪುರ: ತಾಲೂಕಿನ ಕಾನಳ್ಳಿಯಲ್ಲಿ ಬುಧವಾರ ‘ವೃಕ್ಷ ನಮನ’ ಎಂಬ ವಿಶೇಷವಾದ ಕಾರ್ಯಕ್ರಮ ನಡೆಯಿತು. ಬಲಿದಾನ ದಿವಸ ಕೂಡ ಆಗಿದ್ದರಿಂದ ಸ್ವಾತಂತ್ರ್ಯ ಸಂಗ್ರಾಮವನ್ನು ಸ್ಮರಿಸಿ, ಹುತಾತ್ಮರಿಗೆ ಒಂದು ನಿಮಿಷದ ಮೌನಾಚರಣೆ ಮಾಡಲಾಯಿತು.

    ಮರಕ್ಕೆ ಪೂಜೆ ಸಲ್ಲಿಸಿ ಮಾತನಾಡಿದ ಕಾರ್ಯಕ್ರಮದ ರೂವಾರಿ ಪರಮೇಶ್ವರಯ್ಯ ಕಾನಳ್ಳಿಮಠ, ಜಾನುವಾರು, ಪಕ್ಷಿಗಳು, ದಾರಿಹೋಕರಿಗೆ ಈ ಮರ ಆಶ್ರಯ ತಾಣವಾಗಿತ್ತು. ದಾರಿಯಲ್ಲಿ ಓಡಾಡುವ ಎಷ್ಟೋ ಜನರು ಇದರ ನೆರಳಿನ ಆಶ್ರಯ ಪಡೆದಿದ್ದರು. ಅದೆಷ್ಟೋ ಜನ ಉಪ್ಪಿನಕಾಯಿಗೆ ಗೋಣಿಕಾಯಿ ತೆಗೆಯಲು ಬರುತ್ತಿದ್ದರು. ಹಲವಾರು ಪಕ್ಷಿಗಳು ಇದರ ಹಣ್ಣು ಅರಸಿ ಬರುತ್ತಿದ್ದವು. ಹೀಗೆ ಸುಮಾರು ಐದು ನೂರು ವರ್ಷಗಳ ಹಳೆಯದಾದ ಪರೋಪಕಾರಿಯಾದ ಈ ಗೋಣಿ ಮರ ನೆನಪು ಮಾತ್ರ ಎಂದರು.

    ನಿವೃತ್ತ ಶಿಕ್ಷಕ ಶ್ರೀಪಾದ ಹೆಗಡೆ ಮಾತನಾಡಿ, ನಮ್ಮ ಹಾಗೂ ಪರಿಸರದ ಸಂಬಂಧಕ್ಕೆ ಸಾಕ್ಷಿಯಾಗಿ ಅಶ್ರುತರ್ಪಣ ಕಾರ್ಯಕ್ರಮ ಹಮ್ಮಿಕೊಂಡಿದ್ದೀರಿ. ವ್ಯಕ್ತಿ ನೆರವಾಗಿ ಸಮಾಜಕ್ಕೆ ಸಹಾಯ ಮಾಡಿದರೆ ವೃಕ್ಷ ಪರೋಕ್ಷವಾಗಿ ಪ್ರಾಣಿ- ಪಕ್ಷಿ, ಮನುಷ್ಯರಿಗೆ ಸಹಾಯ ಮಾಡುತ್ತದೆ. ಪರೋಪಕಾರಿಯಾಗಿ ಕಾರ್ಯನಿರ್ವಹಿಸುತ್ತದೆ. ವೃಕ್ಷರಾಜ ವಂಶಕ್ಕೆ ಸೇರಿದ ಮರ ಇದು. ಒಂದು ಮರ ಹೋದರೆ ಮತ್ತೊಂದು ಗಿಡ ನೆಟ್ಟ ಅದು ಸದಾ ನೆನಪಿನಲ್ಲಿರುವಂಥ ಕಾರ್ಯ ಆಗಬೇಕು. ಅದರೊಂದಿಗೆ ಪರಿಸರ ಬೆಳೆಸಬೇಕು, ಉಳಿಸಬೇಕು ಎನ್ನುವ ಪರಿಕಲ್ಪನೆ ಮುಂದಿನ ಜನಾಂಗಕ್ಕೆ ಬರಬೇಕು ಎಂದರು.

    300x250 AD

    ಅರಣ್ಯ ರಕ್ಷಕ ವಿನೋದ್ ಮಾತನಾಡಿ, ನಮ್ಮ ನಮ್ಮಲ್ಲಿಯೇ ಉತ್ತಮ ಬಾಂಧವ್ಯ ಇಲ್ಲದ ಇಂದಿನ ದಿನದಲ್ಲಿ ಮರಕ್ಕೆ ಇಂತಹ ಕಾರ್ಯಕ್ರಮ ಮಾಡಿದ್ದು ಇಲ್ಲಿಯ ಜನರ ಸುಸಂಸ್ಕøತಿಯನ್ನು ತೋರಿಸುತ್ತದೆ. ಜೊತೆಗೆ ಪರಿಸರ ಅಭಿವೃದ್ಧಿ ನಮ್ಮ ಕಾಯಕ ಆಗಬೇಕು ಎಂದರು.

    ಗ್ರಾಮದ ಹಿರಿಯ ಕೆರಿಯಣ್ಣ ಕಾನಳ್ಳಿ ಮಾತನಾಡಿ, ಮರದ ಒಡನಾಟವನ್ನು ನೆನೆದು ಭಾವುಕರಾದರು. ಮೇಘನಾ ಕಾನಳ್ಳಿ ಪ್ರಾರ್ಥಿಸಿದರು. ಗೋಪಾಲ್ ಕಾನಳ್ಳಿ ಸ್ವಾಗತಿಸಿದರು. ಪತ್ರಕರ್ತ ಸುರೇಶ ಮಡಿವಾಳ, ಶಿಕ್ಷಕರು, ಅಂಗನವಾಡಿ ಕಾರ್ಯಕರ್ತೆಯರು, ಮಕ್ಕಳು, ಮಹಿಳೆಯರು, ಯುವಕ- ಯುವತಿಯರು ಸೇರಿದಂತೆ ಗ್ರಾಮಸ್ಥರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

    Share This
    300x250 AD
    300x250 AD
    300x250 AD
    Back to top