• Slide
    Slide
    Slide
    previous arrow
    next arrow
  • ಮಹಾಶಿವರಾತ್ರಿಯಂದು ಜನಮನ ತಣಿಸಿದ ‘ನಾದಾಭಿಷೇಕ’

    300x250 AD

    ಶಿರಸಿ:ಭಾರತೀಯ ಸಂಗೀತ ಪರಿಷತ್‍ನ ಸಹಯೋಗದೊಡನೆ ಶ್ರೀ ಶಂಭುಲಿಗೇಶ್ವರ ದೇವಸ್ಥಾನದ ವತಿಯಿಂದ ಮಹಾಶಿವರಾತ್ರಿಯೆಂದು ಇಳಿಹೊತ್ತು 3-30 ರಿಂದ ರಾತ್ರಿಯ ಪ್ರಥಮ ಪ್ರಹರದವರೆಗೆ ಕಲಾಪ್ರಪಂಚದ ಮರೆಯಲಾಗದ ಮಾಣಿಕ್ಯಗಳಿಗೆ ಅರ್ಪಿಸಿದ “ನಾದಾಭಿಷೇಕ” ಕಾರ್ಯಕ್ರಮವನ್ನು ಭಾರತರತ್ನ ಪಂ.ಭೀಮಸೇನ ಜೋಶಿ ಪದ್ಮಭೂಷಣ ಡಾ.ಬಸವರಾಜ ರಾಜಗುರು ಪೂಜ್ಯ ಪುಟ್ಟರಾಜ ಗವಾಯಿಗಳು ಹಾಗೂ ಗಾನ ಕೋಗಿಲೆ ಭಾರತರತ್ನ ಲತಾ ಮಂಗೇಶಕರ ಅವರ ಸ್ಮತಿಗೆ ಅರ್ಪಿಸಲಾಯಿತು.

    ಶಂಭುಲಿಂಗೇಶ್ವರ ದೇವಸ್ಥಾನದ ಆಧ್ಯಕ್ಷ ಶ್ರೀಪಾದ ಹೆಗಡೆ ಅಧ್ಯಕ್ಷತೆ ವಹಿಸಿದ್ದರು. ಭಾ.ಸ.ಪ. ಕಾರ್ಯದರ್ಶಿಗಳಾದ ಆರ್.ಎನ್.ಭಟ್ ಸುಗಾವಿ ಕಾರ್ಯಕ್ರಮ ಉದ್ಘಾಟಿಸಿದರು. ಎಂ.ಇ.ಎಸ್. ಸಂಸ್ಥೆಯ ಅಧ್ಯಕ್ಷ ಶ್ರೀ ಜಿ.ಎಮ್. ಹೆಗಡೆ ಮುಳಖಂಡ, ಶ್ರೀ ವಿ. ಆರ್. ಭಟ್ಟ್ ಬಿಸ್ಲಕೊಪ್ಪ ಹಾಗೂ ಕೆ.ವಿ. ಹೆಗಡೆ ದೊಡ್ನಳ್ಳಿ ಮುಖ್ಯ ಅತಿಥಿಗಳಾಗಿ ಆಗಮಿಸಿ ಮಾತನಾಡಿದರು.

    ನಾದಾಭಿಷೇಕ ವಿಶೇಷ ಸಂಗೀತ ಕಾರ್ಯಕ್ರಮದಲ್ಲಿ ಹಿರಿಯ ಕಲಾವಿದರಾದ ಪಂ. ರಾಮಚಂದ್ರ ಹೆಗಡೆ ಹಳ್ಳದಕೈ, ರುದ್ರವೀಣಾ ವಾದನದಲ್ಲಿ, ರಾಗ ಪುರಿಯಾ ನುಡಿಸಿದರು. ಡಾ. ಕೃಷ್ಣಮೂರ್ತಿ ಭಟ್ಟ, ಬೊಮ್ಮನಳ್ಳಿ, ರಾಗ ದುರ್ಗಾ ಹಾಗೂ ಭಕ್ತಿಗೀತೆ ಪ್ರಸ್ತುತ ಪಡಿಸಿದರು. ಯುವ ಗಾಯಕ ನೌಷಾದ್ ಹರ್ಲಾಪುರ ಹಾಗೂ ನಿಷಾದ್ ಹರ್ಲಾಪುರ, ಶಿವಮೊಗ್ಗ ಇವರ ಜುಗಲ್‍ಬಂದಿ ಗಾಯನದಲ್ಲಿ ರಾಗ ಮಾರುಬಿಹಾಗ್ ಹಾಗೂ ಭಜನ್ ಪ್ರಸ್ತತ ಪಡಿಸಿದರು.

    300x250 AD

    ಅಂಜನಾ ಶಂಕರ ಹೆಗಡೆ ಹಾಗೂ ಜೋಶಿ ಅವರ ಹಾರ್ಮೊನಿಯಂ ಜುಗಲಬಂದಿ ವಾದನ, ಶೃತಿ , ಅಖಿಲಾ ಹಾಗೂ ದಿಕ್ಷಾ ದೊಡ್ನಳ್ಳಿ ಇವರುಗಳು ಗಾಯನ ಕಾರ್ಯಕ್ರಮ ಪ್ರಸ್ತುತ ಪಡಿಸಿದರು.

    ಸಹ ಕಲಾವಿದರಾಗಿ ತಬಲಾದಲ್ಲಿ ಹಿರಿಯ ಕಲಾವಿದ ಪಂಡಿತ ಸಂಜೀವ ಪೋತದಾರ ಶಿರಸಿ, ಯುವಕಲಾವಿದರಾದ ಗಣೇಶ ಗುಂಟ್ಕಲ್ ಯಲ್ಲಾಪುರ, ವಿನಾಯಕ ಭಟ್ಟ ಸಾಗರ ,ಶಂಕರ ಹೆಗಡೆ ಹಿರೇಮಕ್ಕಿ ಸಹಕರಿಸಿದರು. ಪ್ರಕಾಶ ಹೆಗಡೆ ಯಡಳ್ಳಿ , ಸಿದ್ದೇಶ ಬಡಿಗೇರ ಗದಗ , ಬಿಜಾಪುರದ ಖ್ಯಾತ ಕಲಾವಿದರು ಸಂವಾದಿನಿಯಲ್ಲಿ ಸಹಕರಿಸಿದರು. ಎಸ್.ಎನ್. ಹೆಗಡೆ ದೊಡ್ನಳ್ಳಿ, ಅರುಣಕುಮಾರ ಭಟ್ ಕಾರ್ಯಕ್ರಮ ನಿರ್ವಹಿಸಿದರು.

    Share This
    300x250 AD
    300x250 AD
    300x250 AD
    Leaderboard Ad
    Back to top