• first
    second
    third
    previous arrow
    next arrow
  • ಹಿಜಾಬ್ ಅನಿವಾರ್ಯತೆಯಿದ್ದಲ್ಲಿ ಧಾರ್ಮಿಕ ಶಾಲೆಗೆ ತೆರಳಲಿ;ನಟಿ ತಾರಾ

    300x250 AD

    ಕಾರವಾರ: ವಿದ್ಯಾರ್ಥಿಗಳು ಸಮವಸ್ತ್ರ ಧರಿಸಿ ಗೌರವಿಸುವುದರ ಜೊತೆಗೆ ಶಾಲೆಯ ನೀತಿ-ನಿಯಮಗಳನ್ನು ಪಾಲಿಸುವುದು ಪ್ರತಿಯೊಬ್ಬ ವಿದ್ಯಾರ್ಥಿಯ ಕರ್ತವ್ಯವಾಗಿದ್ದು, ಅವರವರ ವೈಯಕ್ತಿಕ ಅಭಿಪ್ರಾಯ, ಧರ್ಮದ ವಿಚಾರಗಳ ವೈಭವೀಕರಣಗೊಳಿಸುತ್ತಿರುವ ಬೆಳವಣಿಗೆ ಸರಿಯಲ್ಲ ಎಂದು ಚಿತ್ರನಟಿ, ಬಿಜೆಪಿ ನಾಯಕಿ ತಾರಾ ಹೇಳಿದ್ದಾರೆ.

    ಕಾರವಾರದ ನಿವಳಿಯಲ್ಲಿ ಖಾಸಗಿ ಕಾರ್ಯಕ್ರಮವೊಂದಕ್ಕೆ ಆಗಮಿಸಿದ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಅವರವರ ವೈಯಕ್ತಿಕ ವಿಚಾರಗಳನ್ನು ಅವರದೇ ಧರ್ಮದ ಶಾಲೆಗಳಿಗೆ ಸೇರಿ ಪಾಲಿಸಬೇಕು. ಆದರೆ ಮಕ್ಕಳ ಮನಸ್ಸಿನಲ್ಲಿ ವೈಮನಸ್ಸು ಮೂಡಿಸಬಾರದು. ಬೆಳೆಯವ ಮಕ್ಕಳನ್ನು ನಾವು ಶುದ್ಧವಾಗಿ ಬೆಳೆಸಬೇಕು. ಆಗ ಮಾತ್ರ ಅವರು ದೇಶದ ಜವಾಬ್ದಾರಿಯುತ ಪ್ರಜೆಗಳಾಗಲು ಸಾಧ್ಯವಿದೆ ಎಂದರು.

    300x250 AD

    ವಿದ್ಯಾರ್ಥಿಗಳು ಕೂಡ ವಿದ್ಯಾರ್ಹತೆ ಪಡೆಯಲು ಶ್ರದ್ಧೆವಹಿಸಬೇಕು. ನಿಷ್ಠಾವಂತರಾಗಿ, ಭಕ್ತಿಯಿಂದ ವಿದ್ಯೆ ಕಲಿಯುವಲ್ಲಿ ಮೊದಲು ಯೋಚಿಸಬೇಕು. ಬೇರೆ ವಿಚಾರಗಳು ನಂತರದ ಆದ್ಯತೆಯಾಗಬೇಕು ಎಂದ ಅವರು, ವಿದ್ಯಾರ್ಥಿಗಳು ಮೈ ಮುಚ್ಚಿಕೊಳ್ಳುವಂತ ಬಟ್ಟೆಗಳನ್ನು ಹಾಕಿಕೊಳ್ಳುವುದು ಖಂಡಿತ ಸರಿ. ಇದೇ ಕಾರಣಕ್ಕೆ ಎಲ್ಲ ಶಾಲೆಗಳಲ್ಲಿ ಸಮವಸ್ತ್ರಗಳನ್ನ ಮಾಡಲಾಗಿದೆ. ಶಾಲೆಗೆ ಬಂದವರು ಅದನ್ನ ಪಾಲಿಸಲೇಬೇಕು. ಪಾಲಕರೂ ಅದನ್ನು ಗೌರವಿಸಬೇಕು ಎಂದು ತಾರಾ ಅನುರಾಧಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

    Share This
    300x250 AD
    300x250 AD
    300x250 AD
    Back to top