ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದಲ್ಲಿ $ 650 ಬಿಲಿಯನ್ ರಫ್ತು ಸಾಧಿಸುವ ಗುರಿ ಇಡಲಾಗಿದೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಹೇಳಿದ್ದಾರೆ.
ಎಲ್ಲಾ ಪ್ರಮುಖ ರಫ್ತು ಉತ್ತೇಜನಾ ಮಂಡಳಿಗಳ (EPCs) ಪರಿಶೀಲನಾ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಗೋಯಲ್, $400 ಬಿಲಿಯನ್ನಷ್ಟು ಸರಕು ರಫ್ತು ಗುರಿಯನ್ನು ಇಡಲಾಗಿದೆ ಮತ್ತು ಸೇವಾ ವಲಯವು $250 ಬಿಲಿಯನ್ ರಫ್ತು ಸಾಧಿಸಲು ಶ್ರಮಿಸಬೇಕಿದೆ ಎಂದು ಹೇಳಿದ್ದಾರೆ.
ಪ್ರಸಕ್ತ ಎಪ್ರಿಲ್-ಡಿಸೆಂಬರ್ 2021ರ ಮೊದಲ ಒಂಬತ್ತು ತಿಂಗಳಲ್ಲಿ ಭಾರತವು $ 300 ಬಿಲಿಯನ್ ಮರ್ಚಂಡೈಸ್ ರಫ್ತುಗಳನ್ನು ಸಾಧಿಸಿದೆ ಎಂದು ತೃಪ್ತಿ ವ್ಯಕ್ತಪಡಿಸಿದ ಗೋಯಲ್, ರಫ್ತು ಉತ್ತೇಜನಾ ಮಂಡಳಿಗಳನ್ನು ಹ್ಯಾಂಡ್ಹೋಲ್ಡ್ ಮಾಡಲು ಮತ್ತು ಮುಂದಿನ ಹಣಕಾಸು ವರ್ಷದಲ್ಲಿ ರಫ್ತು ಗುರಿಗಳನ್ನು ಸಾಧಿಸಲು ತಮ್ಮ ಸಚಿವಾಲಯವು ಎಲ್ಲಾ ಅಗತ್ಯ ನೆರವನ್ನು ನೀಡುತ್ತದೆ ಎಂದು ಭರವಸೆ ನೀಡಿದ್ದಾರೆ.
ಈ ಹಣಕಾಸು ವರ್ಷದ ಕೊನೆಯ ತ್ರೈಮಾಸಿಕದಲ್ಲಿ ಹೆಚ್ಚಿನ ಸರಕು ರಫ್ತು ಗುರಿಯನ್ನು ನಿಗದಿಪಡಿಸಬಹುದು ಎಂದು ಗೋಯಲ್ ಹೇಳಿದರು.
“ಓಮಿಕ್ರಾನ್ ಭಯದ ನಡುವೆಯೂ ಡಿಸೆಂಬರ್ನಲ್ಲಿ ಮಾ ನಾವು $ 37 ಬಿಲಿಯನ್ ಸರಕು ರಫ್ತುಗಳನ್ನು ಮುಟ್ಟಿದ್ದೇವೆ. ಈ ತಿಂಗಳು, ಜನವರಿ 15 ರವರೆಗೆ 15 ದಿನಗಳಲ್ಲಿ, ನಾವು $ 16 ಬಿಲಿಯನ್ ತಲುಪಿದ್ದೇವೆ ಎಂದು ಗೋಯಲ್ ಹೇಳಿದ್ದಾರೆ.