• first
    second
    third
    previous arrow
    next arrow
  • ಪಂಜಾಬ್ ಸರ್ಕಾರದ ವೈಫಲ್ಯದ ವಿರುದ್ಧ ಹರಿಹಾಯ್ದ ಬಿಜೆಪಿ ಜಿಲ್ಲಾ ವಕ್ತಾರ ನಾಗರಾಜ ನಾಯಕ

    300x250 AD

    ಕಾರವಾರ: ಕಾಂಗ್ರೆಸ್‍ನೊಂದಿಗೆ ಚೈನಾ ಮತ್ತು ಪಾಕಿಸ್ತಾನ ದಾಯಾದಿಗಳಂತಿದ್ದು, ಪಂಜಾಬಿನ ಕಾಂಗ್ರೆಸ್ ಧುರಿಣರಿಗೆ ಪಾಕಿಸ್ತಾನದ ನಂಟಿದೆ. ಪಂಜಾಬ್ ಘಟನೆ ಪ್ರಧಾನಿ ನರೇಂದ್ರ ಮೋದಿಯವರ ಹತ್ಯೆಗೆ ಸಂಚು ರೂಪಿಸಿರುವುದನ್ನು ಸ್ಪಷ್ಟವಾಗಿ ತಿಳಿಸುತ್ತದೆ. ಆದ್ದರಿಂದ ಈ ಘಟನೆ ಉಲ್ಬಣಕ್ಕೆ ಕಾರಣರಾದವರ ಮೇಲೆ ಕಠಿಣ ಕ್ರಮ ಜರುಗಿಸಬೇಕು ಎಂದು ಬಿಜೆಪಿ ಜಿಲ್ಲಾ ವಕ್ತಾರ ಹಾಗೂ ನ್ಯಾಯವಾದಿ ನಾಗರಾಜ ನಾಯಕ ಒತ್ತಾಯಿಸಿದ್ದಾರೆ.

    ಶುಕ್ರವಾರ ನಗರದ ಪತ್ರಿಕಾಭವನದಲ್ಲಿ ಪತ್ರಿಕಾಗೋಷ್ಠಿ ನಡೆಸಿ, ಪಂಜಾಬ್ ಘಟನೆಗೆ ಸಂಬಂಧಿಸಿದಂತೆ ಮಾತನಾಡಿದ ಅವರು, ಇದೊಂದು ರಾಷ್ಟ್ರದ ಪ್ರಶ್ನೆಯಾಗಿದ್ದು, ದೇಶದ ಪ್ರಧಾನಿ ಎಂಬುದನ್ನೂ ಮರೆತು ಕೇವಲ ಬಿಜೆಪಿ, ನರೇಂದ್ರ ಮೋದಿಯನ್ನು ಮಟ್ಟ ಹಾಕಲು ಕಾಂಗ್ರೆಸ್ ಒಬ್ಬ ಪ್ರಧಾನಿಯ ಮೇಲೆ ಇಂಥ ಕೃತ್ಯ ಎಸಗಿದೆ. ಪ್ರಧಾನಿ ದೇಶದ ಯಾವ ರಾಜ್ಯಕ್ಕೆ ತೆರಳಿದರೂ ಆ ರಾಜ್ಯದ ಮುಖ್ಯಮಂತ್ರಿಯಿಂದ ಹಿಡಿದು ಎಲ್ಲ ಇಲಾಖೆಗಳು, ಮಿಲಿಟರಿ ಸೇರಿದಂತೆ ಸ್ಥಾನಿಕ ಜನರು ಪ್ರಧಾನಿಗೆ ಭದ್ರತೆ ಒದಗಿಸುವುದು ಅವರ ಕರ್ತವ್ಯ ಹಾಗೂ ಜವಾಬ್ದಾರಿಯಾಗಿರುತ್ತದೆ. ಆದರೆ ಘಟನೆ ಸಂದರ್ಭದಲ್ಲಿ ಪಂಜಾಬ್ ಸರ್ಕಾರ ನಡೆದುಕೊಂಡ ರೀತಿಯೇನು ಎಂದು ಪ್ರಶ್ನಿಸಿದರು.
    ಒಬ್ಬ ಪ್ರಧಾನಿ ಒಂದು ರಾಜ್ಯಕ್ಕೆ ತೆರಳಿದರೆ ಸಾಮಾನ್ಯ ವ್ಯಕ್ತಿ ಹೋದಂತಲ್ಲ. ಅವರಿಗೆ ಬ್ಲ್ಯೂ ಬುಕ್ ಪ್ರಕಾರ ರಕ್ಷಣೆ ಒದಗಿಸಬೇಕು. ವಿಐಪಿಗಳು ತೆರಳುವಾಗ ರೂಟ್ ಬದಲಾಗುವುದು ಸಹಜ. ಈ ಬಗ್ಗೆ ರಾಜ್ಯ ಸರ್ಕಾರ ಮೊದಲೇ ಚಿಂತಿಸಿ, ಸಕಲ ಸಿದ್ಧತೆ ನಡೆಸಿಕೊಳ್ಳಬೇಕು. ಈಗ ಜವಾಬ್ದಾರಿ ಇಲ್ಲ ಎಂದು ಕೈತೊಳೆದುಕೊಳ್ಳುವಂತಿಲ್ಲ. ಇವೆಲ್ಲವನ್ನೂ ಗಮನಿಸಿದರೆ ಪಾಕಿಸ್ತಾನದಿಂದ ಪಂಜಾಬ್ ಸರ್ಕಾರ ಮೋದಿ ಹತ್ಯೆಯ ಸಂಚನ್ನು ಪಡೆದಿರಬಹುದು ಎಂದು ಕಿಡಿಕಾರಿದರು.

    ಕಾಂಗ್ರೆಸ್, ಸಂವಿಧಾನವನ್ನು ಮೊದಲು ಅರ್ಥೈಸಿಕೊಳ್ಳಲಿ. ಈ ಘಟನೆ ಬಗ್ಗೆ ರಾಷ್ಟ್ರಪತಿಗಳು ಹಾಗೂ ಗೃಹಮಂತ್ರಿಗಳು ಚರ್ಚಿಸಿ, ಬೇಸರ ವ್ಯಕ್ತಪಡಿಸಿ, ತನಿಖೆಗೆ ಸೂಚಿಸಿದ್ದಾರೆ. ಒಬ್ಬ ಪ್ರಧಾನಿಯ ವಿರುದ್ಧ ನಡೆಸಿದ ಕೃತ್ಯಕ್ಕೆ ದೇಶವೇ ನಾಚಿಕೆಪಡುವಂತಾಗಿದೆ. ಆದ್ದರಿಂದ ಈ ಬಗ್ಗೆ ತೀವ್ರ ತನಿಖೆ ನಡೆಸಿ, ಅವಶ್ಯಕತೆ ಬಿದ್ದಲ್ಲಿ ಮುಖ್ಯಮಂತ್ರಿ ಸಹಿತ ಅಲ್ಲಿನ ಉನ್ನತ ಅಧಿಕಾರಿಗಳ ಮೇಲೆ ಪ್ರಕರಣ ದಾಖಲಿಸಬೇಕು ಎಂದು ಅವರು ಒತ್ತಾಯಿಸಿದರು.

    300x250 AD

    ಬಿಜೆಪಿ ಸಹ ವಕ್ತಾರ ಸದಾನಂದ ಭಟ್ಟ ಮಾತನಾಡಿ, ಪಂಜಾಬ್ ಸರ್ಕಾರಕ್ಕೆ ಘಟನೆ ಬಗ್ಗೆ ಮೊದಲೇ ತಿಳಿದಿದೆ. ಇಲ್ಲವಾದಲ್ಲಿ ವಿಐಪಿ ಸಂಚರಿಸುವ ರಸ್ತೆಯಲ್ಲಿ ಟ್ಯಾಕ್ಟರ್ ಹಾಗೂ ಲಾರಿ ಏಕೆ ಬರುತ್ತಿದ್ದವು? ದಲ್ಲಾಳಿಗಳ ಮಧ್ಯದಲ್ಲಿನ ವ್ಯವಹಾರಗಳಿಂದ ಈ ಘಟನೆ ನಡೆದಿದೆ ಎಂಬುದು ಸ್ಪಷ್ಟ. ಸದೃಢ ಭಾರತ ನಿರ್ಮಾಣವನ್ನು ಸಹಿಸಲಾಗದವರು ಇಂಥ ನೀಚ ಕೃತ್ಯ ಎಸಗುತ್ತಿದ್ದಾರೆ. ಕಾಳಜಿಯಿದ್ದರೆ ಪಂಜಾಬ್ ಸರ್ಕಾರ ಈ ಬಗ್ಗೆ ಪಾರ್ಲಿಮೆಂಟ್‍ನಲ್ಲಿ ಚರ್ಚಿಸಬಹುದಿತ್ತು ಎಂದರು.

    ಎಸ್ಪಿಜಿ ಭದ್ರತೆ ಇಲ್ಲದಿದ್ದರೆ ಮೋದಿ ಹತ್ಯೆ ನಡೆಸಲು ಮುಂದಾಗುತ್ತಿದ್ದರು. ಈ ಬಗ್ಗೆ ವಿದೇಶದಲ್ಲಿಯೂ ಚರ್ಚೆ ನಡೆಯುತ್ತಿದ್ದು, ದೇಶದ ಜನತೆಗೂ ಸತ್ಯದ ಬಗ್ಗೆ ಅರಿವಾಗಿದೆ. ಪಂಜಾಬ್ ಸರ್ಕಾರ ಕೂಡಲೇ ತಮ್ಮ ವೈಫಲ್ಯಕ್ಕೆ ಕ್ಷಮೆಯಾಚಿಸಬೇಕು. ಇಲ್ಲವಾದರೆ ಕಳೆದ 7 ವರ್ಷಗಳಿಂದ ರಸ್ತೆ ತುದಿಯಲ್ಲಿ ಕುಳಿತಿದ್ದ ನಿಮಗೆ ಅಲ್ಲಿಯೂ ಸ್ಥಳವಿರುವುದಿಲ್ಲ ಎಂದು ಎಚ್ಚರಿಸಿದ ಅವರು, ರ್ಯಾಲಿಯಲ್ಲಿ ಜನರಿಲ್ಲದೇ ಖುರ್ಚಿಗಳು ಖಾಲಿಯದ್ದವು ಎಂಬ ಹೇಳಿಕೆಯನ್ನು ಸಾಬೀತು ಪಡಿಸಲಿ ಎಂದು ಸವಾಲೆಸೆದರು. ಬಿಜೆಪಿ ಜಿಲ್ಲಾ ವಿಶೇಷ ಆಹ್ವಾನಿತ ಮನೋಜ ಭಟ್ ಸ್ವಾಗತಿಸಿ, ವಂದಿಸಿದರು.

    Share This
    300x250 AD
    300x250 AD
    300x250 AD
    Back to top