• first
    second
    third
    Slide
    previous arrow
    next arrow
  • ನಾರಗೇರಿಯಲ್ಲಿ ನೌಕಾನೆಲೆ ತ್ಯಾಜ್ಯ ವಿಲೇವಾರಿ; ಸ್ಥಳೀಯರ ವಿರೋಧ

    300x250 AD

    ಕಾರವಾರ: ನೌಕಾನೆಲೆಯಿಂದ ತಂದ ತ್ಯಾಜ್ಯ ವಸ್ತುಗಳನ್ನು ಶಿರವಾಡ ಗ್ರಾ.ಪಂ ವ್ಯಾಪ್ತಿಯ ನಾರಗೇರಿಯ ಜನ ವಸತಿ ಪ್ರದೇಶದಲ್ಲಿ ವಿಲೇವಾರಿ ಮಾಡುತ್ತಿರುವುದನ್ನು ವಿರೋಧಿಸಿ ಸ್ಥಳೀಯರು ಹಾಗೂ ಶಿರವಾಡ ಡೆವಲಪ್‍ಮೆಂಟ್ ಅಸೋಶಿಯೇಶನ್ ವತಿಯಿಂದ ಸಹಾಯಕ ಕಮಿಷನರ್‍ಗೆ ಮನವಿ ಸಲ್ಲಿಸಲಾಯಿತು.

    ನೌಕಾನೆಲೆಯಲ್ಲಿ ತ್ಯಾಜ್ಯ ವಸ್ತುಗಳನ್ನು ವಿಲೇವಾರಿ ಮಾಡಲು ಗುತ್ತಿಗೆ ಪಡೆದ ಗುತ್ತಿಗೆದಾರ ಶಿರವಾಡ ಗ್ರಾಮ ಪಂಚಾಯತ ಅಧಿಕಾರಿ ಹಾಗೂ ಸದಸ್ಯರಿಗೆ ದುಡ್ಡಿನ ಆಮೀಷವೊಡ್ಡಿ ನಾರಗೇರಿಯಲ್ಲಿ ತ್ಯಾಜ್ಯಗಳನ್ನು ತಂದು ಎಸೆಯುತ್ತಿದ್ದು, ಇದರಿಂದ ಸುತ್ತಮುತ್ತಲಿನ ವಾತಾವರಣ ಕಲುಷಿತಗೊಂಡಿದೆ. ಅಲ್ಲದೇ, ಸಮೀಪದ ಮನೆಗಳಿಗೆ ಗಬ್ಬು ವಾಸನೆ ಹರಡುವಂತಾಗಿದೆ.
    ಈ ಸ್ಥಳದ ಸಮೀಪದಲ್ಲಿಯೇ ಶಾಲೆಯಿದ್ದು, ತ್ಯಾಜ್ಯದಿಂದ ಹೊರಡುವ ಅನೇಕ ಕ್ರಿಮಿಕೀಟಗಳು ಹಾಗೂ ಸೊಳ್ಳೆಗಳಿಂದ ವಿದ್ಯಾರ್ಥಿಗಳಿಗೆ ಹಾಗೂ ಸುತ್ತಮತ್ತಲೂ ವಾಸಿಸುವ ಜನರಿಗೆ ವಿವಿಧ ಬಗೆಯ ರೋಗ ಹರಡುವ ಭೀತಿ ಎದುರಾಗಿದೆ. ಈ ಕೃಷಿ ಜಮೀನಿನ ಮಾಲೀಕರಿಗೆ ತ್ಯಾಜ್ಯಗಳನ್ನು ಸಂಗ್ರಹಿಸುವುದರಿಂದ ಪರಿಸರ ಮಾಲಿನ್ಯ ಹಾಗೂ ರೋಗ ಹರಡುವ ಬಗ್ಗೆ ಮೌಖಿಕವಾಗಿ ತಿಳಿಸಲಾಗಿದೆ. ಆದರೆ ಯಾವುದೇ ಸಕಾರಾತ್ಮಕ ಸ್ಪಂದನೆ ನೀಡಿಲ್ಲ. ಆದ್ದರಿಂದ ಗ್ರಾ.ಪಂ.ಗೂ ಮಾಹಿತಿ ನೀಡಿದ್ದೇವೆ.

    300x250 AD

    ಗ್ರಾಮ ಪಂಚಾಯತಿಯವರೂ ಸಹ ಯಾವುದೇ ಕಾನೂನು ಕ್ರಮ ಕೈಗೊಂಡಿಲ್ಲ. ಇದರಿಂದ ಗ್ರಾಮ ಪಂಚಾಯತಿಯ ಅಧಿಕಾರಿಗಳು ಹಾಗೂ ಸದಸ್ಯರು ಪರೋಕ್ಷವಾಗಿ ಶಾಮೀಲಾಗಿರುವುದು ಮೇಲ್ನೋಟಕ್ಕೆ ಕಂಡುಬರುತ್ತದೆ. ಆದ್ದರಿಂದ ತಾವು ಮಧ್ಯಸ್ಥಿಕೆವಹಿಸಿ, ಶೀಘ್ರದಲ್ಲೇ ಸಮಸ್ಯೆ ಬಗೆಹರಿಸಿಕೊಡಬೇಕು ಹಾಗೂ ಜಮೀನಿನ ಮಾಲೀಕನ ವಿರುದ್ಧ ಕಾನೂನು ಕ್ರಮಕೈಗೊಳ್ಳಬೇಕೆಂದು ಮನವಿಯಲ್ಲಿ ಒತ್ತಾಯಿಸಿದರು.

    Share This
    300x250 AD
    300x250 AD
    300x250 AD
    Back to top