• first
    second
    third
    previous arrow
    next arrow
  • 2 ತಿಂಗಳಲ್ಲಿ 7 ಜಾನುವಾರುಗಳನ್ನು ಬಲಿಪಡೆದ ಚಿರತೆ

    300x250 AD

    ಮುಂಡಗೋಡ: ತಾಲೂಕಿನ ಅತ್ತಿವೇರಿ ಜಲಾಶಯ ಸಮೀಪದ ಗೌಳಿದಡ್ಡಿ ಅರಣ್ಯದಲ್ಲಿ ಮೇಯಲು ಹೋದ ಜಾನುವಾರುಗಳನ್ನು ಚಿರತೆಗಳು ತಿಂದು ಹಾಕಿರುವ ಘಟನೆ ಜರುಗಿದೆ. ಎರಡು ತಿಂಗಳಲ್ಲಿ ಏಳು ದನಗಳು ಬಲಿಯಾಗಿದ್ದುಜನರಲ್ಲಿ ಆತಂಕ ಮೂಡಿದೆ.

    ಹುನಗುಂದ ಗ್ರಾಮ ಪಂಚಾಯತ ವ್ಯಾಪ್ತಿಯ ಅತ್ತೀವೇರಿ ಜಲಾಶಯದ ಬಳಿಯ ಗೌಳಿದಡ್ಡಿ ಗ್ರಾಮದಲ್ಲಿ ಗೌಳಿ ಸಮುದಾಯದವರು ಸನಿಹದ ಅರಣ್ಯಕ್ಕೆ ದನಗಳನ್ನು ಮೇಯಿಸಲು ಹೋಗುತ್ತಾರೆ. ಆಗಾಗ ಪ್ರತ್ಯಕ್ಷವಾಗುವ ಚಿರತೆಗಳು ದನಗಳ,ಕರುಗಳ ಮೇಲೆ ದಾಳಿ ನಡೆಸುತ್ತಿವೆ. ಬಮ್ಮು ರಾಮು ಶಳಕೆ ಎಂಬವರ ಮೂರು ಕರುಗಳು, ಕೊಂಡು ಎಡಗೆ ಎಂಬವರ ಒಂದು ಕರು, ಲಕ್ಕು ರಾಮು ತೋರವತ್ ಎಂಬವರ ಮೂರು ಕರುಗಳು ಕಳೆದ ಎರಡು ತಿಂಗಳಲ್ಲಿ ಚಿರತೆ ದಾಳಿಗೆ ಬಲಿಯಾಗಿವೆ.

    ಕಳೆದ ವರ್ಷವೂ ಸಹ ಗ್ರಾಮದಲ್ಲಿನ ಹತ್ತಾರು ಜನರಿಗೆ ಸೇರಿದ 32 ದನಗಳ ಕರುಗಳು ಚಿರತೆ ದಾಳಿಗೆ ಸಿಲುಕಿ ಸಾವನ್ನಪ್ಪಿವೆ ಈ ವಷರ್ವೂ ಸಹ ಚಿರತೆಗಳು ದಾಳಿ ನಡೆಸುತ್ತಿವೆ ನಾವು ದನಗಳನ್ನು ಮೇಯಿಸಲು ಅರಣ್ಯಕ್ಕೆ ಹೋದ ವೇಳೇಯಲ್ಲಿ ದನಗಳ ಮೇಲೆ ಚಿರತೆ ದಾಳಿ ನಡೆಸುತ್ತವೆ ಅಲ್ಲದೆ ಕಳೆದ ವರ್ಷ ಮನೆಯ ಮುಂಭಾಗದಲ್ಲಿ ಕಟ್ಟಿದ್ದ ಆಕಳ ಕರುವನ್ನು ಸಹ ಚಿರತೆಯೊಂದು ಹಿಡಿದು ತಿಂದು ಹಾಕಿವೆ ಎಂದು ಬಮ್ಮು ರಾಮು ಶಳಕೆ ತಿಳಿಸಿದ್ದಾರೆ.ಅತ್ತಿವೇರಿ ಗೌಳಿದಡ್ಡಿ ಸನಿಹದಲ್ಲಿ ಬರುವ ಚಿರತೆಗಳನ್ನು ಸೆರೆ ಹಿಡಿದು ಬೇರಡೆ ಸಾಗಿಸುವ ಕೆಲಸವನ್ನು ಮಾಡಬೇಕು ಎಂಬುದು ಸಾರ್ವಜನಿಕರ ಒತ್ತಾಯಿಸಿದ್ದಾರೆ.

    300x250 AD

    ಚಿರತೆಗಳ ದಾಳಿಗೆ ದನನಕರುಗಳು ಬಲಿಯಾದರೂ ಸಹ ಅರಣ್ಯ ಇಲಾಖೆಯವರು ಪರಿಹಾರ ನೀಡುತ್ತಿಲ್ಲ ಕಳೆದ ವರ್ಷ 32 ದನಕರುಗಳು ಚಿರತೆಗಳ ದಾಳಿಗೆ ಬಲಿಯಾಗಿವೆ ಈ ವರ್ಷ ಎರಡು ತಿಂಗಳಲ್ಲಿ ಏಳು ಕರುಗಳು ಬಲಿಯಾಗಿವೆ ಚಿರತೆಗಳ ದಾಳಿಯಿಂದ ಜಾನುವಾರುಗಳು ಬಲಿಯಾದಾಗ ಅರಣ್ಯ ಇಲಾಖೆಯವರು ಪರಿಹಾರ ನೀಡುವಂತಾಗಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

    Share This
    300x250 AD
    300x250 AD
    300x250 AD
    Back to top