• first
    second
    third
    previous arrow
    next arrow
  • ಕಸದ ತೊಟ್ಟಿಯಾದ ಸರ್ದಾರ್ ವಲ್ಲಭಾಯಿ ಪಟೇಲ್ ಚಿಕ್ಕಮಕ್ಕಳ ಉದ್ಯಾನವನ

    300x250 AD

    ಹಳಿಯಾಳ: ಪಟ್ಟಣದ ಮಧ್ಯಭಾಗದ ಶಿವಾಜಿ ಸರ್ಕಲ್ ಬಳಿ ಇರುವ ಸರ್ದಾರ್ ವಲ್ಲಭಾಯಿ ಪಟೇಲ್ ಚಿಕ್ಕಮಕ್ಕಳ ಉದ್ಯಾನವನ ಚಿಕ್ಕ ಮಕ್ಕಳ ಮನರಂಜನೆ ಹಾಗೂ ಸಾರ್ವಜನಿಕರ ಹಿತದೃಷ್ಟಿಯಿಂದ ನಿರ್ಮಾಣವಾಗಿದ್ದು ಈಗ ವಿಪರೀತ ಕಸದಿಂದ ಕೂಡಿದೆ. ಸಾರ್ವಜನಿಕರು ಉದ್ಯಾನವನಕ್ಕೆ ತೆರಳಲು ಹಿಂದೇಟು ಹಾಕುವಂತಾಗಿದೆ.

    ಈ ಉದ್ಯಾನವನಕ್ಕೆ ಪ್ರತಿನಿತ್ಯ ನೂರಾರು ಸಂಖ್ಯೆಯಲ್ಲಿ ಸಾರ್ವ ಜನಿಕರು ಭೇಟಿ ನೀಡುತ್ತಾರೆ ಅಲ್ಲದೆ ಉದ್ಯಾನವನದ ಅಕ್ಕಪಕ್ಕದಲ್ಲಿ ತಹಶೀಲ್ದಾರ ಕಚೇರಿ, ಪೊಲೀಸ್ ಠಾಣೆ, ಪುರಸಭೆ, ಶಾಸಕರ ಜನಸಂಪರ್ಕ ಕಾರ್ಯಾಲಯಗಳು, ಲೋಕೋಪಯೋಗಿ ಇಲಾಖೆ ಇರುವುದರಿಂದ ಸಾರ್ವಜನಿಕರಿಗೆ ಕೆಲಹೊತ್ತು ವಿಶ್ರಾಂತಿ ಪಡೆಯಲು ಈ ಉದ್ಯಾನವನ ಪ್ರಶಸ್ತ ಸ್ಥಳವಾಗಿತ್ತು.

    ಅಲ್ಲದೆ ಉದ್ಯಾನವನದಲ್ಲಿ ಲಯನ್ಸ್ ಕ್ಲಬ್ ಎಲ್. ಕೆ ಜಿ ಶಾಲೆ, ವಿಕಲಚೇತನರ ಬಾಲಭವನ ಹಾಗೂ ಹಿರಿಯ ನಾಗರಿಕರ ಕ್ಷೇಮಾಭಿವೃದ್ಧಿ ಟ್ರಸ್ಟ್ ಮತ್ತು ನಿವೃತ್ತ ನೌಕರರ ಸಂಘದ ಕಚೇರಿ ಇದ್ದು ಪ್ರತಿನಿತ್ಯ ಚಿಕ್ಕ ಮಕ್ಕಳು ಹಾಗೂ ಹಿರಿಯ ನಾಗರಿಕರು ಭೇಟಿ ನೀಡುತ್ತಾರೆ.

    300x250 AD

    ಆದರೆ ಉದ್ಯಾನವನದಲ್ಲಿ ವಿಪರೀತ ಕಸ ಹರಡಿಕೊಂಡಿರುವುದರಿAದ ಭೇಟಿ ನೀಡುವವರ ಸಂಖ್ಯೆ ಇಳಿಮುಖ ಕಂಡಿದೆ. ಉದ್ಯಾನವನದಲ್ಲಿರುವ ಚಿಕ್ಕಮಕ್ಕಳ ಕೆಲ ಆಟಿಕೆಗಳು ಮುರಿದು ಬಿದ್ದಿವೆ. ಇನ್ನು ಕೆಲವು ಉಪಯೋಗಕ್ಕೆ ಬಾರದ ಸ್ಥಿತಿಯಲ್ಲಿವೆ. ಉದ್ಯಾನವನದ ಅಕ್ಕ ಪಕ್ಕದಲ್ಲಿಯೇ ಹದಗೆಟ್ಟಿರುವ ಎರಡು ರಾಜ್ಯ ಹೆದ್ದಾರಿಗಳು ಹಾದು ಹೋಗಿರುವುದರಿಂದ ವಿಪರೀತವಾದ ಧೂಳು ಆವರಿಸಿಕೊಳ್ಳುತ್ತಿದೆ. ಇದರಿಂ ದಾಗಿ ಕುಳಿತುಕೊಳ್ಳುವ ಆಸನ ಹಾಗೂ ಕುಟೀರಗಳಲ್ಲಿ ನಿಲ್ಲದಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ.

    ನಿರ್ವಹಣೆಯ ಹೊಣೆ ಹೊತ್ತಿರುವ ಪುರಸಭೆಯು ಕೂಗಳತೆಯ ದೂರದಲ್ಲಿರುವ ಉದ್ಯಾನವನದ ದುಸ್ಥಿತಿ ಸಂಬAಧಪಟ್ಟವರ ಕಣ್ಣಿಗೆ ಕಾಣುತ್ತಿಲ್ಲವೇ ಎಂದು ಸಾರ್ವಜನಿಕರು ಪ್ರಶ್ನಿಸುತ್ತಿದ್ದಾರೆ. ಉದ್ಯಾನವನದ ತುಂಬೆಲ್ಲಾ ಪ್ಲಾಸ್ಟಿಕ್, ಕಸಕಡ್ಡಿಗಳು ಹರಡಿಕೊಂಡಿದ್ದು ಅಲ್ಲಲ್ಲಿ ಹುಲ್ಲು ಬೆಳೆದಿದೆ. ಇನ್ನು ಗಿಡಮರಗಳ ಎಲೆಗಳು, ರೆಂಬೆ ಕೊಂಬೆಗಳನ್ನು ಬೇರೆಡೆ ಸಾಗಿಸದೆ ಉದ್ಯಾನವನದಲ್ಲಿ ಸಂಗ್ರಹಿಸಿರುವುದರಿAದ ಹುಳು, ಹುಪ್ಪಟೆಗಳ ಕಾಟ ಹೆಚ್ಚಾಗಿದ್ದು, ಸೊಳ್ಳೆಗಳು ಸಾರ್ವಜನಿಕರ ರಕ್ತ ಹೀರುತ್ತಿವೆ ಎಂದು ಕೆಲವರು ದೂರಿದ್ದಾರೆ.

    Share This
    300x250 AD
    300x250 AD
    300x250 AD
    Back to top