ಸಿದ್ದಾಪುರ: ತಾಲೂಕಿನ ಕಲಕೊಪ್ಪ ಗ್ರಾಮದ ಶ್ರೀ ಮಾರಿಕಾಂಬಾ ದೇವಿಯ ಜಾತ್ರಾಮಹೋತ್ಸವ ಮಾ.12ರಿಂದ ಪ್ರಾರಂಭವಾಗಿದ್ದು ಜಾತ್ರಾಗದ್ದುಗೆಯಲ್ಲಿ ಶ್ರೀ ಮಾರಿಕಾಂಬಾ ದೇವಿ ವಿರಾಜಮಾನಳಾಗಿ ಭಕ್ತರನ್ನು ಹರಸುತ್ತಿದ್ದಾಳೆ. ಪ್ರತಿ ಏಳು ವರ್ಷಕ್ಕೊಮ್ಮೆ ಈ ಜಾತ್ರಾಮಹೋತ್ಸವ ನಡೆಯಲಿದ್ದು ಸಿದ್ದಾಪುರ, ಶಿರಸಿ, ಸಾಗರ ಮತ್ತಿತರ ತಾಲೂಕಿನ ಹಾಗೂ ನಾಡಿನ ವಿವಿಧ ಭಾಗದ ಭಕ್ತರು ಆಗಮಿಸಿ ದೇವಿಯ ದರ್ಶನ ಪಡೆದು ವಿಶೇಷ ಪೂಜೆ ಸಲ್ಲಿಸುತ್ತಿದ್ದು ಮಾ.18ರವರೆಗೆ ಜಾತ್ರೆ ನಡೆಯಲಿದೆ.
