ಭತ್ತದ ಗದ್ದೆಗೆ ಕಾಡಾನೆ ದಾಳಿ: ಅಪಾರ ಬೆಳೆ ಹಾನಿ

ಮುಂಡಗೋಡ: ತಾಲೂಕಿನ ವಿವಿಧ ಭಾಗಗಳಲ್ಲಿ ಕಾಡಾನೆಗಳ ಹಿಂಡು ಗದ್ದೆಗಳ ಮೇಲೆ ದಾಳಿ ನಡೆಸಿ ಅಪಾರ ಬೆಳೆ ಹಾನಿಯಾಗಿದ್ದು ಇದರಿಂದ ರೈತರು ಆತಂಕಗೊಂಡಿದ್ದಾರೆ.

ತಾಲೂಕಿನ ಕರವಳ್ಳಿ ಬಳಿ ಸೋಮವಾರ ರಾತ್ರಿ 6 ಕಾಡಾನೆಗಳ ಹಿಂಡು ದಾಳಿ ನಡೆಸಿ ರಾಮಣ್ಣ ಕಂಚಿಕೊಪ್ಪ ಎಂಬುವರ 4 ಎಕರೆ ಭತ್ತದಗದ್ದೆ, ಮಾರುತಿ ಕಂಚಿಕೊಪ್ಪ ಎಂಬುವರ 4 ಎಕರೆ ಭತ್ತದಗದ್ದೆ, ತಿಪ್ಪಣ್ಣ ಎಂಬುವರ 4 ಎಕರೆ ಭತ್ತದಗದ್ದೆ ಹಾಗೂ ಚವಡಳ್ಳಿಯಲ್ಲಿ ಹಸನಸಾಬ ನದಾಫ ಎಂಬುವರ 2 ಎಕರೆ ಕಬ್ಬಿನಗದ್ದೆ, ಮೌಲಾಲಿ ನದಾಫ ಎಂಬುವರ 2 ಎಕರೆ ಭತ್ತದಗದ್ದೆ, ಚನ್ನಪ್ಪ ಜೋತಪ್ಪನವರ್ ಎಂಬುವರ 4ಎಕರೆ ಭತ್ತ, ನಿಂಗಪ್ಪ ಭದ್ರಾಪುರ ಎಂಬುವರ 4 ಎಕರೆ ಭತ್ತ ಮತ್ತು ಬಸವರಾಜ ಭದ್ರಾಪುರ ಎಂಬುವರ 4 ಎಕರೆ ಭತ್ತದ ಬೆಳೆಯನ್ನು ತಿಂದು ತುಳಿದು ಹಾನಿ ಮಾಡಿದೆ. ಫಕ್ಕೀರಪ್ಪ ತಳವಾರ ಎಂಬುವರ ಒಂದುವರೇ ಎಕರೆ ಶುಂಠಿ ಬೆಳೆಯನ್ನು ಕಾಡಾನೆಗಳ ಹಿಂಡು ಹಾನಿ ಮಾಡಿವೆ.

Categories: ಜಿಲ್ಲಾ ಸುದ್ದಿ

Leave A Reply

Your email address will not be published.