ಶಾರ್ಟ ಸರ್ಕ್ಯೂಟ್‌ನಿಂದ ಮನೆಗೆ ಬೆಂಕಿ: ಅಂದಾಜು 40 ಲಕ್ಷ ರೂ. ಹಾನಿ

ಶಿರಸಿ: ವಿದ್ಯುತ್ ಶಾರ್ಟ ಸರ್ಕ್ಯೂಟ್ ನಿಂದ ಹೊತ್ತಿಕೊಂಡ ಬೆಂಕಿಯಿಂದ ಮೂವರ ಮನೆ ಹಾಗೂ ಅಪಾರ ಪ್ರಮಾಣದ ಆಸ್ತಿ ಪಾಸ್ತಿ ಹಾನಿಯಾದ ಘಟನೆ ತಾಲೂಕಿನಲ್ಲಿ ಬುಧವಾರ ನಡೆದಿದ್ದು, ಅಂದಾಜು 40 ಲಕ್ಷ ರೂಪಾಯಿಗೂ ಹೆಚ್ಚು ಹಾನಿ ಸಂಭವಿಸಿದೆ ಎನ್ನಲಾಗಿದೆ.

ತಾಲೂಕಿನ ಬಕ್ಕಳದ ತಲ್ಲಿಮನೆಯಲ್ಲಿ ಬೆಂಕಿ ಅವಘಡ ನಡೆದಿದ್ದು, ಸತ್ಯನಾರಾಯಣ ಸುಬ್ರಾಯ ಹೆಗಡೆ, ಗಜಾನನ ಮಾದೇವ ಹೆಗಡೆ ಹಾಗೂ ಗಣಪತಿ ಮಾಬ್ಲೇಶ್ವರ ಹೆಗಡೆ ಎಂಬುವವರ ಮನೆಗಳು ಅಗ್ನಿ ಅನಾಹುತಕ್ಕೆ ಹಾನಿಯಾಗಿದೆ. ಮನೆಯು ಸಂಪೂರ್ಣವಾಗಿ ಸುಟ್ಟು ಭಸ್ಮವಾಗಿದ್ದು, ಮನೆಯಲ್ಲಿದ್ದ ಸುಮಾರು 20 ಕ್ವಿಂಟಾಲ್ ಅಡಿಕೆ ಸಹ ಬೆಂಕಿಗೆ ಅನಾಹುತಕ್ಕೆ ಬಲಿಯಾಗಿದೆ. ಎಲ್ಲರದ್ದೂ ಕೇರೆ ಮನೆಯಾಗಿದ್ದು, ಒಟ್ಟಿಗೆ ಇದ್ದ ಮೂರು ಮನೆಗಳಿಗೆ ಹಾನಿಯಾಗಿದೆ. ಅಗ್ನಿಶಾಮಕ ದಳದವರು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿ ದ್ದಾರೆ.

ಬೆಂಕಿ ಅನಾಹುತದ ಸ್ಥಳಕ್ಕೆ ಶಾಸಕ ವಿಶ್ವೇಶ್ವರ ಹೆಗಡೆ ಕಾಗೇರಿ ಭೇಟಿ ನೀಡಿ ಸಾಂತ್ವಾನ ತಿಳಿಸಿದ್ದಾರೆ. ಗ್ರಾಮ ಲೆಕ್ಕಾಧಿಕಾರಿ ಕಿರಣ್ ಪರಿಶೀಲನೆ ನಡೆಸಿ ಪಂಚನಾಮೆ ಮಾಡಿಕೊಂಡು ಹೋಗಿದ್ದು, ಆದಷ್ಟು ಶೀಘ್ರ ಅಗತ್ಯ ಪರಿಹಾರ ಸಿಗುವಂತೆ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ

Categories: ಜಿಲ್ಲಾ ಸುದ್ದಿ

Leave A Reply

Your email address will not be published.